اصله ماعداش على مصر

طبعا الف مليون مبروك لمصر وعقبال ماتش 18 بس بجد توقعاتى صابت وفى محلها انا قلت لاخواتى 2/0 وجون فى اول الشوط الاول وجون فى اخر الشوط التانى بس بجد ساعة ما جابو الجون التانى ماكنتش مصدقة انى فنانه اوى كده مع انى كنت اتمنى يكونوا 3/0 ونخلص الليلة دى بقى بس مش مشكلة هما تعبوا اوى اوى والعيال بتوع الجزاير دول بيلعبوا فى حوش مدرسة مش ماتش دولى خالص بجد حاجه تنرفز المهم ان شاء الله نغلب فى السودان

حبيبتى يا مصر
يابلادى يابلادى
يا احلى البلاد يا بلادى
فداكى انا والولاد يا بلادى
بلادى يا حبيبتى يا مصر يا مصر
يا حبيبتى يا مصر يامصر
يا حبيبتى يا مصر
يـــــــــا مصر
ما شفش الامل فى عيون الولاد
وصبايا البلد
ولا شاف العمل سهران فى البلاد
والعزم اتولد
ولا شاف النيل فى احضان الشجر
ولا سمع مواويل
فى ليالى القمر
اصله معداش على مصر
اصله معداش على مصر
يا حبيبتى يا مصر يا مصر
يا بلادى يا احلى البلاد يا بلادى
فداكى انا والولاد يا بلادى
بلادى
مشفش الرجال السمر الشداد
فوق كل المحن
ولا شاف العناد فى عيون الولاد
وتحدى الزمن
ولا شاف اصرار فى عيون البشر
بيقول احرار ولازم ننتصر
اصله معداش على مصر
يا حبيبتى يا مصر يا مصر
يا حبيبتى يامصر
يا بلادى ياحلى البلاد يابلادى
فداكى انا والولاد يا بلادى
يا حبيبتى يا مصر يا مصر
يـــــــــــــــــــــــــــــا حــــــــبـــــــــيــــــبــــــتـــــــى يـــــــــــــــا مـــــــــصـــــــــر

...............................

رضوى

عنده اختلفت الألوان

وتلونت الدنيا بعد ان كانت حالكة السواد

وابتسمت لى الزهور

وعاقنى عبقها

واختلف لدى معنى الليل والنهار

وهرولت الى عالم آخر

ليس لونه الوردى فقط وانما تشوبه كل الالوان

عالم تتعالى فيه دقات القلب

عالم لا تخاصم فيه الابتسامة الشفاة

ولكن يبقى الانتظار هو المسافر الوحيد معى فى القطار

فدعنى انتظرك من اليوم حبيبى

عدنى ان تأتى بموعدك

ولا تخلف الميعاد

...............

اليوم أنا معك

اراقص فقط كتفاك

واتلاعب فقط مع انفاسك

والملم اشلاءى التى تبعثرها بشفتاك

واهرب من موعدك بلقائك

واغنى لك لحن حبى

حاول ان تراقصنى على نغمتى

وانا ساحاول ان انظم خطواتى دون تيه او توتر او خجل

.............

ساحبك من اليوم على طريقتك التى تحبها

ولكنى ساضع لمستى

وازين طريقتك بحنانى

والون حياتك بلون تحبه

بنغمة تعزفها

وارقص عليها

.............

ساحبك من اليوم بقلب يدق

يهتف اسمك

ينبض على صوتك

فقط اعيش بوجودك

................

انسى معك باقى الوجود

اعشق طبيعة تعشقها

وارسمها لك باناملى فتقبلها

وانير لك شمعة

تسهر معى على شعاعها

واصنع لك وجبة حب

تتلذذ فى فمك بطعمها

وتقبل باطن يدى

وتقبل وجنتى

وتقول لى الف احبك

واصرخ بعشق

وابتسم فى صمت

فتقبل شفتاى

...............

اعشقك

من اليوم اعشقك

واحب كل كيان ساكن بين اصابعك

فتغمرنى بالحنان

احبك عندما يندى قلبك ببحر امل

القاك فيه قبطان سفينة حب يجمعنا

امنحك فائض امل عندى

وبحر من الحرمان

املأه ما تشاء

احبك

...................

رضوى

يا دبلة الخطوبة

يا دبلة الخطوبة عقبالكم كلكم

انا جايه اقول انى خلاص ودعت العزوبية ومن يوم الخميس اللى فات دخلت القفص لا مش القفص يعنى

يعنى يوم 15 /10 / 2009

المهم انا اتخطبت خلاص ولبست احلى دبلة فى الدنيا وبجد اتخطبت لشخص فى مواصفات من اللى كنت بحلم بيها

اهم حاجه بقى انه طويل وهو المطلوب اثباته لانى كنت هموت واتجوز واحد طويل الحمد لله

بجد انا مبسوطة والأهم من كده انى راضية اوى اوى اوى

يارب بجد مافيش حاجه تضيع فرحتى دى

..................

رضوى

انا مبسوطة

الاول اقول سلام عليكم

وبعد كده اعتذر عن عدم تهنئتى بالعيد بس جاية اقول كل سنه وانتم طيبين وبخير ويارب السنه الجاية تكون احلى واحلى واحلى

انا المفروض انى كنت انزل بوست جديد زى ما وعدت

بس بحضر لبوست فعلا حقيقى فى حياتى بعبر فيه عن حالتى النفسية دلوقتى

اللى عايز اقوله انى بجد مبسوطة اوى اوى اوى لدرجة انى حسيت الشهر اللى فات دا انى طايرة من الفرح بجد اول مرة اكون مبسوطة كده فى حياتى وراضية اوى كده يمكن لأول مرة ما يكونش الجو عاصف ولا البحر مالح ولا احس بالحر أو البرد أو اهتم بحد مش عايزة ازعل ولا ابكى ولا اشغل تفكيرى بحاجه لأول مرة احس ان لسه العمر كبير لأول مرة احس انى موجوده فى الدنيا فعلا بجد بجد انا مبسوطة وفرحانه ونفسى الناس كلها تكون فرحانه

انا مش هقول دلوقتى انا مبسوطة ليه بس اكيد هتيجى الساعة اللى هقول فيها

المهم خلونا فى البوست اصعب بوست اكتبه فى حياتى بقالى شهر بكتب فى مقطع واحد منه يمكن لأنه سعادة حقيقية فعلا بكتب عنها او المرة دى انا البطلة او ايه مش عارفه خالص والله المهم انى محتاجه دعوتكم والحمد لله على كل شئ

انتظرونى

........................

رضوى

رمضان كريم

انا جاية انهاردة علشان اودعكم واقولكم كل سنه وانتم طيبين لأنى تقريبا مش هكتب فى رمضان زى كل سنه لانى بتفرغ للعبادة فقط

انا كان نفسى اسيب بوست (وداعا احمد حمدى ) شوية زى ما عملت مع بوست هالة بس للاسف شهر رمضان جه وقلت لازم اقول لكم كل سنه وانتم طيبين ورمضان كريم وان شاء الله اشوفكم فى العيد

يارب بلغنا جميعا رمضان واكتب لنا العتق من النار فى أول ليلة واكتب لنا مغفرة لا حدود لها وادخلنا فى رحمتك الواسعة واكتب لنا زيارة بيتك الحرام ولو لمرة واحدة آمين .. آمين .. آمين

وانا مالاقيش حاجة اديهالكم فى رمضان احلى من الحديث دا

قال رسول الله (ص) : من صلّى في شهر رمضان في كلّ ليلةٍ ركعتين : يقرأ في كلّ ركعةٍ بفاتحة الكتاب مرة ، و{ قل هو الله أحد } ثلاث مرات - إن شاء صلاهما في أول ليل ، وإن شاء في آخر ليل - والذي بعثني بالحقّ نبيّاً إنّ الله عزّ وجلّ يبعث بكلّ ركعةٍ مائة ألف ملك يكتبون له الحسنات ، ويمحون عنه السيئات ، ويرفعون له الدرجات ، وأعطاه ثواب من أعتق سبعين رقبةً

والفوانيس بقى طبعا كل واحد ينزل يشترى لنفسه فانوس على حسابه ركزوا على حسابه ويعتبره هدية منى سلام وكل سنه وانتم طيبين
........................

رضوى

وداعا أحمد حمدى

أحيانا ندعى أننا نؤمن بالنصيب أو القدر ... ولكن الحقيقة ان كلمة النصيب هى تلك الشماعة التى نعلق عليها أسباب الأحداث السيئة فى حياتنا ... ربما لأننا لا نجد سبب أو جواب عند السؤال عن سبب الحدث ... وربما يحسدنا الجميع على ايماننا الزائد بالقدر ... ولكن فى الحقيقة ما نحن بمؤمنين ولا بقانتين ... ربما نكون مستسلمين أو حقا مسيرين لا مخيرين

*************

ربما لم ننتهى يا هالة من الحزن عليك وربما لم ننساكى مطلقا فى الدعاء أوطلب الرحمة ... ودائما ما يذكرنا اسم هالة بك ... حتى أصابنا حزن جديد بحادث فجائى مريب وهو موت أحمد حمدى ... الآن سأخبرك ان مصيبتك فى الموت اقل بكثير فمنذ خمس عشرة يوما ذهبنا لقاعة الملكة نفس القاعة التى كنتى ستزفين اليها وزففنا أحمد حمدى فعلا وكانت تلك هى المرة الأولى التى آراه فيها رغم انه جارنا منذ سنوات وتزوج ومضى على زواجه تقريبا 22 يوما بالتمام والكمال واذا به يعود لعمله اليوم حتى يلقى الملائكة الذين سبق وقابلتيهم كم عمره لم يتجاوز السابعة والعشرون من العمر ... كيف حالة شهيد بلا خدش بلا مرض ... والآن الجميع يرثون زوجة لم تكمل العشرون من عمرها ... ذلك هو حال الدنيا ... وذلك هو النصيب و القدر

************

يعاتبنى الجميع على يأسى واستسلامى لشئ غيبى اسمه الموت ... على انتظارى له طول اليوم ... من خوفى ورهبتى ... من دموع لا تسكن ابدا بسببه ... بحياة فاشلة لأننى سأموت غدا ... كيف اعد أحد بان اعيش معه أو له طول العمر ...وأنا لم أضمن يوم واحد فى حياتى

************

صدقينى يأمى لم يعد الزواج هدف أسمى فى حياتى فانظرى حولنا ... كم شاب وفتاة فى مثل عمرى وأقل ذهبوا بلا عودة ... محيت اسمائهم من الدنيا ... كم منهم انتظر آخرته ... كم منهم علم بموعد موته ... كم منه عمل لها ... الله أعلم ... كم منهم ذهب الى النار وكم ذهب الى الجنة ... وكم اب وام صبرت وكم اب وام كفر

************

اللهم انى قد تخلصت من الذنب الكبير فى حياتى ... وتركته وعزمت عزما أكيدا ألا أعود اليه ... فلا تحرمنى الجنة ... واطل عمرى الى أن انهى رسالتى العلمية ربما تشفع لى يوم القيامة ... ويارب أنى قد أخطأت كثيرا ولكن علمت أن لى رب غفورا يغفر الذنب ورحيما رحمته وسعت كل شئ يرحم العبد وتوابا يقبل توبة عباده وعفوا يعفو عنا فيالله يا غفور يا رحيم يا توابا يا عفو اغفر ذنبى واقبل توبتى وارحمنى برحتمك الواسعة يا أرحم الراحمين ... اللهم لا تدع لنا ذنبا الا غفرته ولا دينا الا قضيته ولا هما الا فرجته ولا حاجه من حوائج الدنيا لك رضا فيها الا قضيتها برحمتك يا أرحم الراحمين

اللهم بلغنا رمضان

**************

ادعو للشهيد بالرحمة والمغفرة

رضوى

لحن ضائع

اصبع .. و.. وتر

لحن .. و .. نوتة

وعيون دامعة على ذكرى ضائعة بين البقايا

تائهة بين سطور متعرجة

وقلم بلا حبر لاكتب بدلا منها

*****

وكلمات بلا حروف

وحروف بلا نقاط

ونقاط مطمثة

واكتب على ورقة ممزقة

تتشابه لدى المقطوعات الموسيقية

وليس بامكانى تمييز الألحان

*****

يتوه اللحن الهادئ بين الموسيقى المزعجة

وتصيبنى المزعجة بالتوتر والقلق

فأتوه بين النوتات التى أملكها

أبحث عن مقطوعتى المفضلة بينها

ربما مزقها أحد

وربما نسيتها باحدى سيارات قطار الحياة

******

هنا ... نعم هنا

ها أنا قد خبأتها

من أتربة الأزمنة

وهنا الآن أفتحها

لأجد شخصا قد تلاعب بأجزائها

ووضع حرفا مكان حرف

وتاهت قافيتها

وأصبحت غير مرتبة

وأنا الآن أفتقد نفسى كموسيقار

أو عازف نوتة ضائعة

لا أجيد تشكيل اللحن

او صناعة مقطوعة جديدة لحياة هادئة

اكمل بها الحياة

فمقطوعتى الآن لا قيمة لها

بعد أن كانت ذكرى لحن لم يجيده عازف سواى

فمقطوعتى الآن حكاية من زمن قديم

أو أسطورة فقط يتحاكاها الجميع

أو تراقصت على ألحانها عاهرة

فضاعت قيمة اللحن واندثر بين طيات السنين

نقده النقاد

حتى ضاعت ملامحه الحقيقة

وافتقد الجمهورمعانيه و لذته

*********

وأصبحت فاشلة

أن أصنع لحن لحياتى

فصنعت لحن وأصبحت أنا المستمع الوحيد

فأسكنته بين الخبايا

فلا تنتقدونى مثلما انتقدتم اللحن

فلست فاشلة

وانما تلك هى رياح الصحارى

هبت باعاصير

*******************

رضوى