الاول عايزه اعتذر عن الغياب بس والله وحشتونى جدا جدا جدا بس انا كنت فى المصيف كنت بقول انى اول بوست ليه هحكى عن موضوع مع المصيف السنه دى بس جالى تااااااج عاجل ولازم البى دعوة hAMbAcaWeY
السؤال الاول
س: هل فكرت فى إغلاق مدونتك و السبب؟
عمرى ما فكرت فى انى اسيبها او اقفلها او حتى اهملها
السؤال التانى
س:صورتك فى المدونة و رمزيتها؟
انا مش حطه صورة فى المدونه احترت كتير على صوره تمثل شخصيتى او حتى صورة تكون كاركاتوريه لبنت مالقتش بس دايما كنت بدور على صورة بنت عنيها حلوة زى عنيه
السؤال الثالت
حاضر يا بيه
س:لماذا دخلت عالم التدوين ؟
مش عارفه بس يمكن كانت بدور عليها ولاقيتها ويمكن كان فى حاجه بدور عليها ولاقيتها هنا او يمكن لانى بدور دايما على حاجه تشغل وقتى واكون فعلا محتاجه لها .... بصى هو انا بلاقى نفسى هنا بجد بحس انى مش عايشه لوحدى
السؤال الرابع
ماشى
س: جملة قيلت فى وصف مدونتك ؟
مش عارفه بس دايما بلاقى ناس تهتم برقتى وفى ناس بتهتم بغموض فكرتى وفى حاجات كتير بس دايما الرقه تفوز
السؤال الخامس
س:أحلى بوست كتبته؟ ولماذا؟
بحب كل حاجه بكتبها لانى دايما بحسها قبل ما اكتبها وساعات بتكون معظم البوستات جزء من شخصيتى وممكن اكون انا البطله
السؤال السادس
س:أحلى بوست قرأته؟
انا بحب اشعار احمد سلامه وطريقه سرد شريف وقصص احمد شقير بس حاجه معينه مش فاكراها دلوقتى اى حاجه اصل الميه المالحه سيحت مخيخى بس صدقينى اى حاجه بكتب فيها رأيى واقول انها حلوه ببقى صادقه مش بجامل الحاجه اللى ما بتعجبنيش مش بعلق عنها اساسا
السؤال السابع
يا نهار ابيض
س:حد قل أدبه عليك فى التعليق ،إيه رد فعلك؟
لا ابدا عمر ما حد عملها معايا ... محدش يقدر اساسا ... بس لو حد عملها مش هعبره اصله متغاظ منى هههههههههههههههههههههههههه
السؤال الثامن
اللهم ماطولك يا روح
س:أسوأمدونة؟
مش عارفه اصل المدونه دى حريه شخصيه من حق اى حد يكتب فيها اللى عايزه واللى مش عاجبه ما يدخلش ولا يعلق دا رايى
السؤال التاسع
س:هيحصل إيه لأيميلك لما تموتى؟
هيعيش لوحده .... بس هو يا ترى هيزعل علشانى ولا خلاص على كده ... بس بيتهيألى انه برده هيموت بموتى لانى انا اللى بديله الحياه
السؤال العاشر
س:أديت الباس وورد لحد قبل كدة ؟
كل البيت ممكن يتوقع الباس وورد بتاعى ... وممكن يكونوا عارفينه فعلا ودى حاجه انا متأكده منها .. وعادى كلهم بيفتحوه
السؤال الحداشر
س:طبيعة علاقتك بيه؟
بصوا علاقتى بالايميل محدوده لانى لا غاويه شات ولا بفكر فى موضوع صداقات النت .... بس علاقتى بالمدونه لا دى حياااااااتى بحبها جدا جدا ... بحس انها صحبتى فعلا وبموت فى التعليقات اللى بتجيلى
السؤال التناشر
انا خلاص خلصت
س:اسمك؟
الحقيقى ولا بتاع الحكومه ...هههههههههههههه
السؤال التلاتاشر
لا دا انتى زوتيها اوى
س:المشهور بيه وسط أصحابك؟
كان فى اسماء كتير بس كان اشهرهم سندريلا ... وساعات دودى ورودى ... بس يبقى اسمى الاجمل الى الأبد
السؤال الاربعتاشر
س:شخصيتك نوعها ايه؟
مش فاهمه ... بس ممكن اكون واقعيه وخياليه ... رومانسيه وحاده .... هبله وعاقله ... من الاخر شخصيتى متناقضه اهم حاجه انى مش بكره حاجه بس بقرف من حاجات كتير وفى حاجات بتستفزنى بس ما بردش عليها
السؤال الخمستاشر
دا تحقيق دا ولا ايه
س: السفر بالنسبة لك؟
انا بحب السفر جدا بس برده بهرب بيه من حاجات كتير خاصه ان دماغى ما بتبطلش تفكير لما بسافر بنسى كل حاجه مابفتكرش غير انى عايزه استمتع بكل خطوه
السؤال الستاشر
س:مودك ايه؟
مش فاهمه بس لما بكون فرحانه بضحك ولما بكون زعلانه بعيط ومش بعيط عياط عادى لا دا انا حنفية عنيه عايزه جلده بس فى كل الاحوال بحب اضحك اوى
السؤال السبعتاشر
س:الأكلة المفضلة؟
بموت فى الفراخ بانيه مشويه فى شوربه طماطم فى الفيجيتار الحار فى كل احوالها وبحب الرقاق باللحمه وبحب المسقعه باللحمه
السؤال التمنتاشر
س:الصفات اللى من بابا؟
الطيبه وانى على نياتى بس انا محبش حد يضحك عليه حب العلم لانى بابا بيكره الفشل وانا كمان بكره الفشل
السؤال التسعتاشر
س:الصفات اللى من ماما؟
كل حاجه شياكتها وجمالها واهم حاجه عنيها الحلوه وزوقى زى زوقها بالظبط ما بنختلفش عن بعض انا كلاسيكيه فى لبسى واختيارى زيها بالضبط وحتى ارأنا شبه متشابهه فينا حاجات كتير بالضبط لدرجه انى ساعات بحس انى نفسى اتقمص شخصيتها
السؤال العشرين
الحمد لله
امررها لمين لمين .. مشكله التاج ان فى ناس كتير مش بتحب تجاوب عليه انا مش من الناس دى بس ساعات بحتار فى اجابات للاسئله المهم
اللى عايز يجاوب يجاوب
بس شريف غريب .. واحمد سلامه ....اودى اللى معتش بيزورنى ....دكتور دى وكل اللى موجود عندى
هناك 9 تعليقات:
ياه يا سندريلا
حلو جدا التاج ده
و طبعا انا مبسوط جدا ان انا اول تعليق عليه
بصى فيه حاجات انتى عارفهع ان انا لاحظتها حتى من غير ردك عليها يعنى زى الغموض اللى بلاحظه فى كتاباتك و اكيد انه بيعبر عنك و على فكره انا بشوف ده ميزه كبيره عندك يعنى الانسان اكيد بيبقى ليه خصوصيات و تفاصيل ما يحبش ان حد يعرفها غيره لانه ببساطه بتبقى تفاصيله هو
احسست حقا بعشقك لمدونتك و انا ببقى حاسس فعلا ان اللى بيحب حاجه هى كمان اكيد بتنتمى ليه
اكيد انا سعيد جدا انى من الناس اللى ممكن تكونى بتهتمى ان انتى تتابعى اللى بيكتبوه و صدقينى اكيد طالما انتى مش بتجاملى فى ارائك يبقى اكيد اللى بيكتبلك مش بيجاملك لانه ببساطه مش هيستفيد حاجه
عموما يا رب تكونى اتبسطى فى المصيف و ما تبقيش تغيبى كده
اكيد هرد على الدعوه الحلوه ديه
معلش انا طولت عليكى بس فرصه بقى انا اول تعليق
تحياتى يا جميل
انا مبسوطه يا شريف انك اول تعليق ومبسوطه كمان انك طولت بس على فكره انا مش انسانه غامضه لدرجه زى ما انت متصور بالعكس انا صريحه جدا مع نفسى ومع الناس كمان بس الغموض فى الكتابه قد يكون فن ان بجيده لانى بحس ان نفسى احط القارئ فى دايره يحاول هو يخرج منها
اما عن الغموض فى حياتى الشخصيه اكيد ليه مكان بس مش بدرجه كبيره اوى كده
ميرسيه على تعليقك
حمدا لله بالسلامة بعد التاج الطويل ده
سلام
اية الجمال دة
الاجابات كلها رقة و بساطة
لالالالالالالالالا
بس انا زعلان منك
تحبى المسقعة
و متجبيش سيرة المحشى
جميلة اجاباتك
وشكرا علشان مبعتليش التاج
حمدلله على السلامة اولا
ثانيا نقول كلام جميل كلام معقول مقدرش اقول حاجه عنه
مستنى زيارة لمدونتى منك
regards
مدونتك لذيذة
اوييييييييييييييييييي
و انا مبسوطة بأكتشافها
تحياتي
يا سندريلا
هاى سيندريلا
انا يمكن اول مرة ادخل مدونتك ، بس اهم حاجة انك واضحة جدا كمان فى جوانب من شخصيتك متجاوبة معاها
على العموم
ربنا يدينى الوقت وادخل دايما واسمع افكارك الجميلة
شفتي بقى اخرة الغيبة الطويلة
بوستين من غير ما اعرف
:(
ماشي يا سندريلا
ماشي
---------------------------
لو تعرفي صورة بو حطيها
مش بو الدبدوب لا بو بتاعة مونستر اينك
:)
لايقة جدا عليكي
وانا كمان بحب حبك لاشعاري يا سندريلا وأحلى بوست انتي كتبتيه هو ليتني فنان وانا بقراه كتير مع اني معلقتش عليه
تحيا المسقعة
:)
حمدالله عالسلامة يا رودي
إرسال تعليق