مش عارفه فى حاجه غلط الايام دى
... على طول بتيجى على بالى
... غير الاحلام اللى فيها بتطاردنى
... تفتكر دا ايه
... حتى البرفام بتاعك حاسه انه بيشاركنى وحددتى
... مش ناسياك ... مش ناسيه ملامح قصتنا
... فين القصه ... مش لاقياها
... ماكنتش قصه ... ما كنتش ضحكه ... ماكنتش دمعه نقفل بيها الحدوته
... فاكره مكانك ... نبرة صوتك
... فى الشوارع
... فى البلكونه
... اطلع احس بطلتك
... ادخل استنى رنتك
... بس دا برده مش حب
... ممكن اكون اتعودتك
... اتعودت حضورك جنبى
... معرفش ليه حاسه ان اخر نقطه هحطها عندك
... او هكتب كلمة تحط نقاطها
... او يمكن هتكون مطموثه وتوضح حروفها
... يمكن اكون حساك مش عارفه
.., يمكن قبل ما تقولى بحبك
... كنت انا عارفه
... جايز اكون استنيتك يوم
... بس انا عارفه انك راجع ... واحد تانى ...
واحد غير اللى انا عارفاه
... خايفه غرورك
... خايفه حياتك
... خايفه اقرب اخسر اكتر
... خايفه اعيد الزمن الماضى
... خايفه طبعك يبقى انانى
... خايفه حنانك رقة صوتك
... واضعف تانى
... خايفه اضيع حب حياتى
... فى غلطة حبك
... خايفه تكون نزوه وهتعدى
... واندم تانى
... حاسه بحاجه دايما تجمعنا
... يمكن اغانينا بتجمعنا
... يمكن معنى الحب الخاطف
... يمكن حاسه الحاجه الحلوه
... اللى عايزه اشوفها معاك
... وارجع تانى اراجع نفسى
... واحس بالحاجه الوحشه اللى فى حبك
... واحس بغربه رهيبه فى قلبك
... احس انه مش مكانى ومش قدرى
... خايفه الثورة العارمه فى غضبك
... خايفه سكوتك
... خايفه كلامك
... خايفه من كل نظراتك
... حاسه بطيبة قلبك ليه
... حاسه بسرك جوا عنيك
... حاسه بخوفك قدام قلبى
... يطلع واحد تانى غزاه
... سمعت بحبك جوا عنيك
... وشفت الغربه جوا عنيه ؟؟؟؟
... يوم ما مشيت
... يوم ما سافرت ... وسبت البيت
... سبت الشارع ... سبت المينا
... سبت مطرح ما ترسى مراكبنا
... او مطرح ما تدمع عنينا
... سبتنى وحدى
... كنت هقلك خليك جنبى
... يمكن ادمع
... يمكن احتاجك تسمعنى
... يمكن احتاج اكتب كلمه تحط نقاطها
... تمحى الكلمه الوحشه من صفحتنا
... يمكن كنت اكون وياك
... وافضل جنبك
... اسمع قلبك ... ينبض حبى
... اسمع صوتك ... ينده اسمى
... تكرره تانى ... وااقول تانى
... مش كنت خليتك جنبى
... يمكن احتاج اسمع اسمى برقة صوتك
... لاء ومشيت
... مش جايز ترجع ما تلاقينيش
... ترجع تندم
... ولا انت متاكد من نفسك
... حتى نجاحك فى الخطوه دى
... واثق تنجح ... وتنول قلبى
... حاسه هتنجح
... وحسانى هندم
... حاسه هضيع اجمل حاجه فى عمرى
... ضحيت ليها
... وخايفه فى يوم اضحى بيها
... وارجع اندم ... واكرهك انت
... حاسه دموعك يوم ما سافرت
... شفت دموعى
... كنت مشيت ...
فاكره ايديك بتمسك ايدى
... حاسه عنيك فيها هتوحشينى
... حسيت فى عنيه هتوحشنى
... انا حستها بمعنى الكلمه
... خفت اكمل احساسى
... واطلع خاينه
... عمرى ما خنت
هناك 7 تعليقات:
لا توجد حقائق ثابتة ابدا 100%
ولا توقعات تصدق 100%
احيانا كثيرة تصدق النسب الضعيفة ويربح من راهن على الحصان الخاسر
ليه بس خلصت..مش بتكلم ع الحدوته
لأ دا واحد تانى خالص
بعد الحدوته دهيها
انا بتكلم ع الكلمات طالعه من قلب نباتى
ما اتعودشى فى يوم يكون خاين ولو حتى فى نظر نفسه
انا بتكلم بحق وحقيقى ع الكلمات تاهت منى وتوهت انا منها
خلصت من قبل ما اقولها
حاسس فيها بدمعه حزنى
آهه ألمى ...سكوتى اللى طال راح يضعفنى
بجد جميله قوى قوى
تسلم الايادى
انا قريت المقال بتاع حقوقو الانسان
مافهمتش حاجه قوى
بس يعنى الآيه حلو والإستدلال جميل
وفعلا من حق كل شخص انه يتحاكم محاكمه عادله
بس ايه اللى ورا المقال موش عارف!!
خير ان شاء الله
سلاموو
ومستنى جديدك دائما بشغف
ليه الصبايا ليه اجمل حكايه ليه
دايما البنات بتنقلنا من دنيا الواقع لدنيا الخيال والرومانسيه
انتو لما بتكلموا علينا... وعلى احساسكم تجاهنا... صدقينى شىء بيضع بداخلنا مقدار كبير جدا من الثقة بالنفس
هذه هى الحبيبة و هذه هى الام
ببقى لا حزين ولا سعيد وانا بقرالك لكنى بكون متأمل
كان نفسى اعرف لو حطيتى اللينك بتاعى هيكون فين... فى اى مجموعة...
اكيد بعد ما تقريها
هي فيها احساس حلو وصادق قوي يا سندريلا
وعنوانها رشيق كده
:)
البويت ده جميل بجد
بس هو معناه بداخلك انتى برده ... يعنى احنا مجرد حد بيقرأ كلام جميل مكتوب من حد رقيق زيك
***********************************
على فكرة انا نزلت بوست جديد و بسرعه تيجي ماشي كفايه عليكي تأخير لحد كده
سلام
تحياتى
سبحان الله اني اجي هنا بالصدفه واشوف بوستك ده الي بيوصف حجات كتير جوايا
بمكن مش تفهميني بس لو جيتي وشرفتيني بالزياره هتفهمي انا ااقصد ايه
بجد احساسك هايل جداااا
واحيكي جامد
انتي حد رقيق فعلا
والبوست فعلا جميل
كل سنة وانتي طيبة وعيد اضحى سعيد
برغم الوجع الواضح ف البوست
لكن بكرة ان شاء الله اكيد هيبقى اجمل
إرسال تعليق