الاثنين، يوليو 21، 2008

طفل توحدى


ربما أرى فيك الطفل التوحدى الذى يلاقينى على جسر التقوقع فى الظلام ... وربما أشفق عليك من تلك الفتاة التى تجيد اللعب بالقلوب ... وربما اشعر باقتراب ملامح شخصنا ... ربما .. ربما .. ربما

ولكن أفرح لانك لم تعشقنى فقد اتناسى حبى وأأتى اليك لمجرد شعورى بسعادتى معك ... ربما لم تكن طموح تلك الفتاة ... فطموحها العالى مادى للغاية ... فلم تكن انت الهدف ... الذى تسعى لتحقيقه .. فقالتها صريحة
هذا أحبه .. بينما .. ذاك أتزوجه
ولكنى اشفق عليك من وقوعك فى الفخ الذى نصبته لك بالاتفاق مع صديقتها
ربما وجدت فيها ملامح الطفلة العنيده المضادة للطفل التوحدى ولكنك أخطأت بحق نفسك

دعنى أوضح لك الأمر
عزيزى /
عندما احببتها ... ليس لأنها تملك تلك المواصفات التى تريدها فى شريكة حياتك ... أو بمعنى أوضح لم تكن تلك الفتاة فتاة أحلامك ... وانما اراك تسير فى الشوارع تبحث عن الحب ... لن تدع الحب يصادفك أو يتجسد لك فى فتاة بعينها فتشعر بأنك تحبها
ولكن هنا تجسد لك الحب فى طفلة مراهقة عنيدة ... لم تكشف عن ملامح شخصيتها حتى ترى مدى ملاءمتها لك ولشخصيتك
انما بمجرد مداعبتها لك من نافذتك المطله على طريق سيرها ... شعرت انك تحبها
لم تكن تعرف انها كانت لعبة مع صديقتها بمحاولة ايقاعك فى الفخ ... وللاسف عزيزى وقعت حقا
حتى الآن رغم تقدمك لها وعرض حبك المجنون عليها ورغم رفضها لك لم تكتشف الحقيقة ولم تكشف شخصيتها الحقيقية
لم تكن تعرف انها تصفك بشخص ضعيف الشخصية ليس لك وضع ولا رأى ... ربما تسير مع مهب الريح ... ربما لا تفارقها او تحاول التمرد عليها
ربما أنا اراك غير ذلك فشخصك التوحدى يفرض عليك طيبة وسلامة نية ... ولم تكن طبيبتك دليل على ضعف شخصك او سذاجتك ... وايضا لا يعنى العنف والتمرد القوة بعينها
لا تبحث عنها ... ولا تسايرها

أعلم جيدا انها لم تعطيك ردا نهائيا على طلبك .........لماذا ؟

الا لأنها لا تريد ان تغلق الأبواب فى وجهك فربما لا يأتى النصيب بما تشتهى القلوب .. فتبحث عمن كان يحبها وبذلك فلن تخسر .. والخاسر هو انت
يا عزيزى انبهك لشئ ربما تسمع عنه قريبا ... ان تلك الفتاة سوف تعلن ارتباطها الرسمى عما قريب ... سوف ترتبط بشخص ربما تسمع عنه ... فهو مشهور فى بلدتكم ... قد تكون فرصة حياتها ... ولكنه ايضا حبها الأول والأخير ... عزيزى انتبه الى قلبك الذى طالما ذبل من اهمالك له بحب متعفن ... ربما حب متعكر بالتوحد ... لا يمكننى ان اطلب ان تترك طفلك التوحدى او تقتله ولكن ربما اطلب منك ات ترعى ذلك الطفل حتى يكبر ... اعرفك جيدا اعرف حيرتك وشعورك الحقيقى ... وربما اشعر بهما ... ربما عاصرت حكايتك ... ربما لا تعرف ... ربما تحاول اظهار قدراتك مرارا وتكررا حتى تعجب تلك الفتاة ... وربما حتى ترضى غرورها ... وربما اشعر فيك بالتفاؤل رغم اليأس المالئ عينيك ... تحاول يمينا ... تحاول شمالا ... تسير على خطواتها ... ربما تعيش على سراب ... ولكن لا تحاول ... فانها حدوتة منتهية ... اوقفها فقد اوقفتها داخل نفسها ... ولكن لم يصلك ذلك الخبر ... وانت الآن تعيش على أمل ميت
عزيزى / لا أنكر ان تلك الفتاة ربما شعرت بتأنيب الضمير ... وتحاكينا مرارا عن مدى معاناتها من ذلك التأنيب ... اخبرتنى بأنها لا تريد أن تقابلك فى طريق ... اخبرتنى انها تريد ان تحبك ولكن لست انت الفارس الهمام ... ولا تمتلك نوع الحصان الذى تريد ان ترحل عليه ... وربما لا تمتلك الخاتم الالماسى الملائم لأصبعها ... ربما لا تملك عنقود العنب الذهبى ... او التفاحة الحمرا الامريكية ... وربما لا تسمع الموسيقى الاسبانيوليه التى تجيد سماعها ... ربما لم تمتلك الاسطوانه الذهبية التى تحيي حفل زواجكما ... ربما .. ربما .. ربما
فتصفك بأنك ناتج لعبة شقية اجادت رمى النرد فيها ... وربما لعبة ميسر اجادت دفع مبالغ من المال فيها ... ولكنى التمس لها عذرا واحدا وهو انها طفلة شقية لم تعى انك طفل توحدى ... فكانت تعتبر انك رجل فى سن الرابعة والعشرين ... يعمل وليس له وقت للحب ... ربما لم تعى انك قلب ... رأى تناقضات الحياة ومر بها منذ التوجيهية ... ربما لم تعى تلك الفتاة ان هناك ازمات فى الدنيا يتعرض لها المرء لتخلق منه طفل توحدى ... وهناك تطلعات اخرى تخلق منها طفلة شقية ... لا تعى للحياة معنى سوى علكة و كتاب وصديقة ولعبة شقية

هناك 78 تعليقًا:

ميرا ( وومن ) يقول...

ياااااااه بجد أثرتي فيا قوي يمكن مش البطل والبطلة لكن طريقو وصفك ليهم

تحياتي

إبن مصر يقول...

سيندريلا السلام عليكم
البوست جميل ورائع
وكم اتمنى انها تكون قصثه من خيالك الواسع
وان لم تكن كذلك فأتمنى ان تكونى فعاله بهداية هذا الشاب الى الطريق الصحيح وجعله يقرأ هذا الخطاب الموجه له فى البوست
تحياتى على هذا السرد الرائع للأحداث
بجد والله الله ينور يا سيندريلا
nageh

فارس بلا جواد يقول...

رسالة قوية وقاسية .. وهكذا دوما تكون الحقيقة قاسية في بعض الأحيان ولكنها تبقي الحقيقة
رسالتك تناولت حقيقة الحب من طرف واحد
عرضتيها بطريقة جيدة ومؤثرة
كنت كتبت شعر سابقا عن موضوع الحب من طرف واحد بعنوان ( سؤال ) .. وكان يتناول نفس مضمونك من حيرة المحب وتساؤلاته .. و تأنيب الضمير الذي يصيب الطرف الأخر
أبدعتي ودام قلمك
تحياتي

Blue Nile يقول...

جميل البوست اوي
اسلوبك شدني من البداية للنهاية

تاثرت لاحساسي بالوهم الذي يعيش فيه البطل
وثرت على تلك الطفلة اللعوب

تحياتي لقلمك المبدع

RaRa يقول...

بوست رائع اوى اوى اوى
قصة مؤترة اوى
وانا بصراحة بتأثر بأحداث اى قصة
بحس انى عايشة جواها

دمتى دائما مبدع
وسعادة بخير دائما

rara

صالح سعيد يقول...

احساسك رائع بجد
تسلم ايدك
هما دول الشراقوه ولا بلاش
انا كمان شرقاوى
بس غلبان وعلى ادى فى التدوين
تحياتى وتقديرى

حـــــدوتـــــة يقول...

السلام عليكم

انا تهت منك على فكرة
هى دى قصة من خيالك ولا ايه النظام
بس عموما انتى اسلوبك حلو اوى فى الكتابة

سلالالالالالالالالالالالالالالالالالالالالالالالالام

سنووايت يقول...

رسالة قوية اوي يا سندريلا يمكن تكون قاسية بس هي دائما الحقيقة كدة وخصوصا لما تكون حاجة الكل شايفها وانت لوحدك مش واخد بالك
بس انتي فعلا قدمتي ضحيتين
الضحية الاولي البطل طبعا المخدوع
والضحية التانية هي الفتاة اللي بتتلاعب بمشاعر الاخرين , وهي لا تدرك انها بتلعب بنار ستحرقها عما قريب

تحياتي ليكي يا احلي سندريلا

سوسا ومودى يقول...

أنا أول مرة أزورك
وبجد بوست تحفه يجنن
ومؤثر جدا
وأستطعتى بأسلوبك الرائع أنك تعيشينا الحاله
تأثرت كثيرا

ومدونتك جميله
سررت بمرورى فيها بجد
سلااااام

Aиgel يقول...

سندريلا...
قرأت حروفك........
فأخرست حروفي.......!!!!!!!!!
لكني أعِدك بالعوده
حين يعود لها النطق....!!!!
سأاعود بلا شك..!!
بعد قرأتها مرة أخرى
Angel Love

Aиgel يقول...

سندريلا ..
أعلن عن فشلي عزيزتي
للرد على قلمك
ليس لي ولا أملك بجعبتي

غير شيئين

أولهما

أعجازي بلملمة الحروف هنا لكلماتك وللمفردات

وثانيهما

أدراكي بالعجز عن التعبير لما وضعته ُ

هنا
أنا لست ألا مشاعر بسيطة

أني لا زلت أتعلم الحروف للرد على أساتذة ٍ كقلمك

وأتهجأ الكلمات

وليس لي قاموس ٍ أُراجع به ِ

أغلاطي
فما أروع قلمك
Angel Love

عايش... ولكن !!!! يقول...

بجد بجد احييكى على هذه التحفه الفنيه
اسلوب رائع فى السرد وطريقه معالجة الموقف اكثر من رائعه

او زياره ليا وان شاء الله مش هتكون الاخيره
واطمع فى تشريفك ليا
وخصوصا انى عرفت انك شرقاويه وهما اصل الكرم هههه يلا اصلنا جيران بقا

تحياتى
علاء

ابراهيم بكر يقول...

حقيقى انت موهوبة
رغم انى حالتى النفسية غير طبيعية
الا انك بموهبتك استطعتت ان تجعلينى اقرأ البوست واعلق كمان



حقيقى جميل

Maha Shahen يقول...

ما شاء الله عليكى يا سندريلا
بجد بوست فوق الهايل
بس اترددت هو دا موجه لشخص معين ولا مجرد بوست عادى من الخيال
لأنه بيحمل طابع للاتنين
ولكن لو كانت رسالة لشخص معين فكان الاصح انك تنبهيه تنبيه واضح علشان يشوف طريقه رايح علي فين . وتبقى نصيحه لوجه الله
ولكن في النهايه سواء كدا او كدا فهو بوست جميل جدا جدا
تحياتى لقلمك وفكرك الرائع

و القادم....أجمل يقول...

جميلة أوي يا سندريلا
بس تفتكري
هي هتفضل طول عمرها كده؟
و هو هيفضل كده ؟؟

بس البوست رووعه بجد
طريقة السرد مميزة

دُمت ِ بود

:)

Radwa يقول...


وومن
ميرسيه على تعليقك
يمكن تكون دى اول تزورينى بس اتمنى المدوامة وانك تشرفينى على طول
...............
ميرسيه

Radwa يقول...


son of egypt
ميرسيه على زيارتك ليه وطبعا دى مش اول مره انا عارفه
موضوع انها من خيالى هى اكيد مش خيال بحت ولكن قصة بنقابلها كتير اكيد شوفت ميت بنت بتعلق ميت ولد بس دى العقدة اللى فيها موضوع دا احبه ولكن لا اتزوجه
ميرسيه مرة تانية

Radwa يقول...


فارس بلا جواد
ميرسيه على زيارتك وتعليقك
وانت طبعا الاقوى اكيد فى عرض المشكلة ايا كان كيفية التناول
............
سندريلا

Radwa يقول...


blue nile
ميرسيه على زيارتك اللى مشرفانى دى
وبجد التعليق الجامد دا ميرسيه اوى عليه واتمنى انى استاهله فعلا
.......
سندريلا

Radwa يقول...


rara
ميرسيه يا قمر على تعليقك وزيارتك
واتمنى انى اكون دايما عند حسن ظنك واستاهل الكلام الحلو دا برده
....
سندريلا

Radwa يقول...


صالح سعيد
ميرسيه على زيارتك
تقريبا اول زيارة بس اتمنى انها ما تكونش الاخير
موضوع انك على ادك وغلبان مين قال كده
انا دخلت على المدونه بتاعتك بس معرفتش اسيب كومنت مدونه حلوة
بس عندى طلب انك تحاول تباعد بين السطور شويه لانها متعبة فى القراية
موضوع غلبان دا لسه فى البداية كلنا حسينا بكده لكن بعد كده هتلاقيك بتتأمل كل نواحى الحياه وبتكتب عنها بكل الاساليب وواحده واحده يعنى الواحد مش بيبدأ كاتب ولا قصاص ولا فيلسوف الحياة مراحل عزيزى تروى فى اختيار موضوعاتك حتى تثقل مدونتك
تحياتى
.................
سندريلا

Radwa يقول...


حدوته
ميرسيه على الزيارة الحلوة دى
والكومنت كمان
بس ليه تهت منى لو الاسلوب فيه غموض اتمنى النقد
موضوع الخيال انا قلت انها قصة اكيد واقعية وبتحصل ميت مره فى اليوم بس انى عشتها وكده مش شرط علشان اكتب عنها ابقى عشتها لا انا حاولت اطرح قصة الحب من طرف واحد بس بطريقة مختلفة شويه على هيئة خطاب او تحذير وعلى فكرة انا غيرت اسمها لطفل توحدى فى اخر لحظة هى كانت تحمل اسم تانى خالص
..............
سندريلا

Radwa يقول...


سنووايت
ميرسيه يا حبيبتى على زيارتك والكومنت الجامد دا
بس فى حاجه البنت دى مش شرط النار تحرقها بالعكس انا قلت انها طفلة وهو كان لازم يعرف كده حاولى تركزى فى كلمة طفلة ممكن تكونى عندك 20 ومازلت طفلة اى بعقل طفلة
ويا جماعة مش شرط تكون القصة واقعية قد يكون الاسلوب هو ما اضفى عليها الواقعية
....................
سندريلا

Radwa يقول...


سوما ومودى
ميسيه على الزيارة وانتى قلتى انها اول مرة بس انا بقولك ما تكونش اخر زيارة
ميرسيه كمان على تعليقك الحلو دا ويارب اكون استاهله فعلا
.........
سندريلا

Radwa يقول...


angel
بجد انتى اللى اعجزتبنى عن الرد على الكومنت بتاعك
انا مش عارفه اقولك حتى ميرسيه لانها اقل حاجه ممكن اقولها اصلا مش تيجى حاجه قدام كلامك الحلو دا وبعد الشر على حروفك ربنا يخلهالك يا قمر وتمتعينا على طول
.......................
سندريلا

Radwa يقول...


عايش ولكن
ميرسيه على زيارتك
بس يارب ما تكونش اخر زيارة وتكون ضيف دائم
ميرسيه على الكومنت الجميل دا وخاصة انك من المنصورة احسن ناس خاصة انها بلد ماما وليه فيها اكتر من الشرقية
وان شاء الله هتلاقينى عندك قريب انا قريت القصيد بتاعتك بس انا مش هعلق الا لما اقراها تانى
........................
سندريلا

Radwa يقول...


higer
عنت بستنى زيارتك تنورنى
بس بجد انت اللى موهوب
ميرسيه على زيارتك ويارب تداوم عليها وتمتعنى بتعليقك دايما
ويارب تكون حالتك النفسية فعلا اتغيرت
.............
سندريلا

Radwa يقول...


نور شاهين
ميرسيه على تعليقك عنت بنتظره فى كل بوست
وهو مجرد بوست مش موجه لشخص بس لو كانت مستمدة من حقيقة فيمكن حصلت حولينا كتير القصة دى البنت اللى بتلاقى الولد الطيب والوسيم فتحاول تعلقه لكن هو مش مستواها مثلا او بمعنى اصح ان القضية بتاعة القصة
كلمة دا احبه بس دا اتجوزه ان عاد فيه مواصفاات للولد الصالح للزواج
...................
سندريلا

Radwa يقول...


والقادم أجمل
ميرسيه على زيارتك ويارب ما تكونش اخر زيارة
يعنى كرريها
المهم موضوع البنت دا موضوع يا جماعة وهمى هى هتفضل كده او لا دى مش القضية وبعدين لو خدتى بالك اخر البوست انها هتعلن خطوبتها او ارتباطها يعنى موضوع منتهى انا بتكلم عن السذاجه وكمان عن اها ممكن تكون حبته فعلا بس عندها مبدأ دا بتحبه بس مش تتزوجه فى شخص اخر صالح للزواج يحمل مواصفات معينه
.......................
سندريلا

Radwa يقول...
أزال المؤلف هذا التعليق.
mohammed يقول...

بوسط هاتل يا سندريلا ادعوكى لزيارة مدونتى

و القادم....أجمل يقول...

يا سكرة
أنا عارفه ان الموضوع وهمي
و وهم بوهم
بحب أسأل و نخليها نهاية مفتوحة
تفتكري هتندم يعني عليه
لو ارتبطت بالشخص التاني
هل فعلا هينصفها و يكون زوج
يسعدها

خلينا نعملها حلقات مسلسل
يا ستي خلينا نتخيل شوية
الواحد مبيصدق

:D

رحيق الحياة يقول...

بجد أول زيارة ليا للمدونة

رسالتك رائعة و كلماتك أروع بجد أحييكي و أتمني أن تلقي نظرة علي مدونتي

Unknown يقول...

السلام عليكم
مدونتك حلوه يا سندريلا و اسلوبك مختلف
ثانيا عايز اقولك ان احنا بلديات

تحياتى ليكى و دى مش اخر مره

نونو يقول...

حبيبتى سندريلا
اسفة ع التاخيير بس الظروف بقى
طبعا انتى متجددة
وكل يوم فى جدييد

ذو الوجه المبتسم يقول...

مرحبا ساندى
شكلك نستينى خالص
على العموم ياستى مش عارف اقول ايه توهتينى
بجد قصة جميلة قوى وانا بالفعل متوقع ان جزء كبير منها حقيقي
لكن عندى ملحوظة
تفتكرى البنات بس هى اللى بتعلق الشباب ههههههههههه
تعرفى فى الزمن بتاعنا ده بقت المعايير ??? ونتوقع اى شئ يحصل
** المشاعر والاحاسيس هى الشئ الوحيد اللى الانسان ميقدرش يتحكم فيها فلذلك لطفلنا التوحدى العذر واقول له استمر بنفس طريقك اقصد طريق الحب ليس لها فقط بل لكل شئ ولا تيأس
وهى ايضا لها العذر .. لكن لو كانت تتعمد اللعب بعواطفه فهذا ؟؟؟؟
تمنياتى لك بدوام التقدم
على فكرة اعجبنى جدا تعليق انجيل وبساطتها

mostafa rayan يقول...

ربنا يستر علينا من غدر الستات
تحياتي

!!! عارفة ... مش عارف ليه يقول...

.. خدعتني بكذبك الذكي
وخدعتك بصدقي الغبي ..
كامل الشناوي

------
دومتي بكل خير
وليد

.:.-=- ELGaZaLy-=-.:. يقول...

عارفة حالة التوحد دى لم بمر بحالة منها بيبقى كل الى فى ايدى او فى ايد اى طبيب معالج انة يتفرج ويتامل قوة ربنا فينا...بس اعتقد انك مقابلتيش حد منهم...
-----------

القصة بقى اسلوبها مش مؤثر لا مؤثر وممتع فى نفس الوقت فهمانى يعنى عاملة زى الوجبة الجميلة التى تبدا فى اكل قضمة منها على امل الانتهاء سريعا فلا تنتهى ..

blue-wave يقول...

حلو البوست
ومميز
تحياتى

منى يقول...

هى تستمتع باللعبه
وهو يتلذذ بمعاناته
ومن تراقب وتحلل
تتعذب لانها ترى الحقيقه من بعيد ولا تستطيع التدخل
بل تناشده فى صمت
سلمت يداكى سندريلا
تحياتى

Unknown يقول...

قصة جميلة وابطالها مؤثرين جدا
فعلا اسلوبك بجد شدنى جداا
بالتوفيق

almasry يقول...

خطاب ........ اكيد تعرفى برامج التوك شو وتعرفى انها ناجحه جدا فى الغرب واعتقد انك انتى كمان ناجحه



تحيـــاتى
المصــــــــرى

حبيبة الروح يقول...

جميله القصه بقدر ما هي ماساه

وجميل وصفك وشرحك
بس بجد صعب اوي لو كانت حقيقيه جرحها كبير لكا الاطراف

دمتي غاليتي مبدعه

مي

حبيبة الروح يقول...

جميله القصه بقدر ما هي ماساه

وجميل وصفك وشرحك
بس بجد صعب اوي لو كانت حقيقيه جرحها كبير لكا الاطراف

دمتي غاليتي مبدعه

مي

أسير الجراح يقول...

سندريلا الجميلة



بوست يجنن


قصة تاثر فعلا


دزمتى مبدعة



اتمنى الكثر والكثير كما تعودنا




تحياتى لاختى الجميلة




اسير الجراح

tarek alghnam يقول...

سندريلا
ماشاء الله عليكى
فعلا هناك الكثير من الشباب كما وصفتى
بس بجد بوست رائع احييكى عليه
تقبلى تحياتى
ودمتى بود

عدنان أحمد يقول...

السلام عليكم

برغم جمال القصة إلا إن الأسلوب نفسه شدني اكثر
الرساله كمان زادت الموضوع قوة
و احسنتِ اختيار العنوان فهو مناسب جدا للنص

تحياتي للأديبه المتميزة
عدنان

Radwa يقول...


محمد
اهلا بيك فى عالمى
واتمنى تكرر الزيارة
وانا زرت المدونة بتاعتك وسبتلك تعليق
اتمنى يكون وصلك معناه
تحياتى
.
سندريلا

Radwa يقول...


والقادم أجمل
ومالوا يا حبيبتى نعملها اكتر من حوار
ومسلسل ما عنديش اى مشكله يا قمر
وميرسيه على متابعتك واهتمامك
...................
سندريلا

Radwa يقول...


رحيق الحياة
حلو اوى اسمك انتى والقادم اجمل اسماء شدتنى اوى اوى اوى
ميرسيه على زيارتك وتعليقك واتمنى تكرار الزيارة
وانا ان شاء الله هزورك قريب جدا جدا بس والله الايام دى مشغولة شويه انا قلت ارد عليكوا علشام محدش يفكرنى بنفض
....................
سندريلا

Radwa يقول...


كريم
سلام كبير اوى للزقازيق
وميرسيه على زيارتك وتعليقك بس ما تقطعناش
........................
سندريلا

Radwa يقول...


نوووووووووووونووووووووووووو
يا قمر
زيارتك تيجى فى اى وقت انهارده بكة بعده بستناها
ميرسيه على تعليقك الحلو زيك دا
......................
سندريلا

Radwa يقول...


ذو الوجه المبتسم
على فكرة انا مابنساش حد
بس المشكلة انى مشغولة شويه
موضوع الطفل دا انا ما انصحوش انه يستمر فى اسلوبه فى الحياه لانه هيفضل كده والبنات اتغيرت دا عايز اما طفله توحديه تعيش معاه اما طفله متجدده تنتشله من حيز التوحد
ميرسيه على تعليقك
وانتظرنى البوست القادم
بشخص جديد
.........................
سندريلا

Radwa يقول...


مصطفى
اول زيارة تقريبا
المهم انك شرفت ونورت
بس ليه انت بتقول غدر الستات دا على اساس ان مافيش غدر للرجاله ؟؟؟؟؟؟؟؟؟؟
......................
سندريلا

Radwa يقول...


عارف ومش عارف
ميرسيه على تعليقك
مقولة جميلة حقا
تحياتى واتمنى تكرار الزيارة
...........................
سندريلا

Radwa يقول...


الغزالى
تقريبا اول زيارة
طبعا نورتنى وشرفتنى واتمنى تكرار الزيارة
وميرسيه على التعليق الحلو دا واتمنى انى فعلا اكون حققت الامتاع والاقناع
تحياتى
.....................
سندريلا

Radwa يقول...


blue
ميرسيه جدا
..................
سندريلا

Radwa يقول...


منى
تسلم ايدك على تحليل لثلاثة مواقف مختلفة
ميرسيه جدا
.......................
تحياتى

Radwa يقول...


نهر
ميرسيه على زيارتك وتعليقك الجميل دا
واتمنى تكرار الزيارة
.........................
سندريلا

Radwa يقول...


المصرى
ميرسيه على زيارتك وتعليقك
واتمنى تكرار الزيارةه
.......
سندريلا

Radwa يقول...


مدرينه الملائكة
ميرسيه على تعليقك الجمييييييييييل دا
واتمنى انى فعلا استاهله
.............
سندريلا

Radwa يقول...


أسير الجراح
اسمك كله ياس ليه كده
كلنا اتجرحنا وكل الناس الزمن بيلطش فيها خلاص نسلم ونبقى اسرى الجراح
...................
ميرسيه على تعليقك الجميل دا واتمنى انى فعلا اكون حققت الابداع وكمان الامتاع
........................
سندريلا

Radwa يقول...


طارق الغنام
تقريبا اول زيارة ليك
طبعا شرفت بها
واتمنى ما تكونش اخر زيارة
المهم بقى
فى برده بنات بتقع فريسه للشباب على الاقل انا الولد لو بنت علقته مش بيخسر كتير انما البنت لو ولد علقها بتخسر كتير
ميرسيه على تعليقك واتمنى التواصل
.......................
سندريلا

Radwa يقول...


اسير حبيبتك
الشاعر المتميز
ميرسيه على متابعتك ليه
تحياتى

......................
سندريلا

""""" يقول...

منتهى الاستهتار بالمشاعر والا مبالاه !!

كل واحد يعجبه يحد
مجرد اعجاب
ويمكن هو نفسه لسه مش واثق من حقيقة مشاعره تجاه الشخص ده .. ومع ذلك يعرض عليه حبه ويعيش معاه القصه

المشكله لما الطرف الاخر يقبل ويصدق ويثق فى الحب ده

وفجاه الطرف الاول يكتشف انه ترجم احساسه غلط

اللى يحب على فكره ميقدرش يحكم عقله لانه مش هيكون شايف بعقله
والامور كلها هتكون موزونه بقلبه وبس

البنت دى لو حبت مكنتش تقدر تبعد عن حبيبها

لكن واضح انها متردده او يمكن اكتشفت فجاه انها ترجمت احساسها غلط وانها مش بتحبه

اللى يختار بعقله يبقى محبش ولا عرف الحب

لان اللى يلاقى الحب ميسيبوش يضيع منه ابدا

Radwa يقول...


أمل
ميرسيه على تعليقك دا
بس للاسف البنت دى مش متردده البنت دى بتحب شخص معين ومع ذلك بتلعب على شخص تانى يمكن بعد كده حسيت بشوية تأنيب بس المهم ان المبدأ واحد
..........................
تحياتى
سندريلا

لؤلؤة الاسلام يقول...

المدونة بجد راااائعة انا اول مرة ازورها و الموضوع مؤثر جدا و شكرا حبيبتى و ادعوكى لزيارة مدونتى انا مسلمة

لؤلؤة الاسلام يقول...

المدونة بجد راائعة و انا اول مرة ازورها بس ان شاء الله تتكرر و الموضوع جميل جدا و مؤثر و ادعوكى لزيارة مدونتى انا مسلمة

فراشة البساتين يقول...

سندريلا
==============
أولا بشكرك على زيارتك ليا

-------------------------------

عايزة اعرف

الكاتبة هنا بتنصحه لوجه الله

ولا لانها بتحبه

مش عارفة

حسيت انها فهماه اكتر من نفسه

وكمان خايفة عليه

وعايزة تفوقه

ياترى ليه؟؟؟؟؟؟؟؟؟؟؟؟؟؟

نونو يقول...

سندريلا اذييك اخبارك
لييكى وحشة جييت اسال علييكى
وحشتينى يا دودو

malak يقول...

السلام عليكم
حقيقى قصة هائلة جميلة جدا ومؤثرة اوى خاصة حوار الضمير مع النفس ياه حقيقى جميلة فعلا

تحياتى

شهد الكلمات يقول...

مش عارفة اقول اية

لو كانت الاشخاص اللي في الرسالة دي حقيقية اتمني انه يقرا الرسالة دي

تحياتي

rovy يقول...

عجبنى اسلوبك جدا فى سرد القصه و شعرت وكأنك تحذرين شخصا ما و لا ادرى اذا كان هذا واقع او خيالا و لكنى لا املك فى الحالتين الا ان اصفق لكى و احيكى ..

دمتى بخير فى حفظ الله و رعايته

تقديرى و تحياتى

أسير الجراح يقول...

سندرلا


مهما ان حكيتلك مش هتحسى بلى جوايا



اتمنى تنورينى

البوست الجديد



محتاج رئيك



اتمنى زيارتك




اسير الجراح

Bob يقول...

اللة قصة قصيرة وشيقة
ارجو المزيد

nonni يقول...

يا سيندريلا اسلوبك رائع و مؤثر جداااااا و انا اتاثرت اوى بالبوست ده علشان كده انا نفسي اعرف دى قصة حقيقية و لا من خيالك.

"تحياتى"

محمود @كلام من القلب@ يقول...

هاى سندريلا مدونتك جميله اوى
وكــــــــــــل ســــــــنـــه
وانـــــــتـــــى طـــــــــيــــبــــه@

ونفسى تزورى مدونتى

رساله حنين الى اجمل سندريلاة


ويارب تعجبك مدونتى



##@كل من القلب @##