انهارده موضوعى جديد واول مره اتكلم فيه بتهيألى انى اول مره فعلا احس بعجز وانا ماسكه القلم او بحس بخمول فى الافكار مش لاقيه المعنى الحقيقى او الكلمه الحقيقيه المعبره عن المرأه اللى هتكلم عنها لانها فعلا مش موجوده فى اى مكان ومش موجوده غير فى حياتى انا بس
_______________________________________________
حبيبتى الاولى ... واظنك الاخيره ... ولكن قد يتخلل قلبى حب اخر ... ويقتحم مشاعرى بلا اراده ... وقد اخضع له ... وكلى ابتاسة ... ولكنى اعترف قبل اقتحام هذا الحب ... ان حبك سيظل بلا نهايه ... سيظل فطرتى التى اولد كل يوم عليها ... فحدك عزيزتى له مذاق خاص ... فاعلمى انه قد يزول اى حب من قلبى سوى حبك ...
احببتك لا لم احبك ... بل غزل قلبى العشق لأجلك ... وعزف لسانى لحن اسمك على نايات حبى لك ... قد اكون اخطأت بحقك مرارا وتكرارا ... ولكنك سكنت نفسى سكنت شعورى ووجدانى ...
يا اجمل امرأة بالدنيا ... واجمل حب فى العمر ... يا من ملاء قلبى بحبك ...وتخلل الحب عروقى ... واختلط بدمى ... كدت استنشقك انفاسك الخارجه ... وارقض تحت قدماك والملم تراب الارض حتى لا يتسخ ثيابك ... احبك حقا ... متى منذ عصور وعصور ... اين من اول مكان تواجدت فيه بداخلك وسكنت احشائك ... احببتك بلا عقل بلا تفكير ... عزيزتى لا اعرف ماذا اكتب فيك ... كيف اصفك ... كيف اصف حبى لك ...
صاحبتى ... كيف القبك وبما اتوجك ... اتواجك بكلمة احبك ... فانها اقل ما تستحقيه ... ما بيدى غير ان اقبلك مائة قبله ... او ارسل لك منديل معطر بالمسك ... واكتب عليه كل عام وانت الحب
_____________________________________________
ممكن يكون كلامى المرة دى مش حلو اوى بس بجد انا مش لاقيه كلام اقوله فى حق الانسانه اللى بتكلم عنها علشان هى تستحق كلام اكبر من كده فعلا انا عارفه انى غبيه وبزعلها بس والله العظيم محدش بيحب ماماته قد ما بحبها
كل سنه وانت احلى واجمل واشيك واطيب ماما فى الدنيا بحلها
هناك 21 تعليقًا:
شكرا سيندى على كلامك اللى خلانى اقول كلمة الى امى وهى
الى من تمنيتها اما لو لم تكن أمى
جميل قوى
كل سنة وهى طيبة
أكيد لو قرأت الكلام الحلو دا عمرها ما هاتزعل منك تاني، بعدين في أم تخلف سندريلا وتزعل منها؟!!
كل سنه وهيه وغنتى واحنا طيبين
وعادى بقة
أودى
كل سنه والدتك طيبه يا رب وخلى بالك منها
كل سنه وانتى طيبة يامى
واحنا قدرهم للاسف
فاما يسلموا بينا ولاما نعلنها جميعا
طبعا مش الحرب
نعلن كل حب الى كل ام
وربنا يسامحنا بقة
ع فكرة الكلام مش زى مقلتى مش حلوى قوى
واكيد تستحق اكتر من كدا
بس ليه حلفانك ده بس بان محدش بيحب مامته قدك؟ خليكى ف نفسك احسنلك ماشى
تحياتى
إيه الرقه والحب والجمال ده كله
كل سنه ومامتك طيبه
دي جميله قوي :
غزل قلبى العشق لأجلك ... وعزف لسانى لحن اسمك على نايات حبى لك
حسيت انها شعر مش مجرد بوست
ممتاز
تحياتي لكي
سيظل فطرتى التى اولد كل يوم عليها ... فحبك عزيزتى له مذاق خاص ... فاعلمى انه قد يزول اى حب من قلبى سوى حبك
كلامك حلو اوي بجد...
وواضح انك عايشة الكلام احساسك واضح جدا فيه
وواضح اكتر انك عايزة تقولي كلام كتير
لكن مهما كتبنا في حب الام
وتخلص اوراقنا وتجف اقلامنا
حايفضل لسه كلام وكلام
كل سنة ومامتك طيبة وبخير
سلاماتي ليكي
من الجميل ان يكتب الانسان عن من يحب
كلام صادق لانة من القلب
تحياتى
انت عاوزة تفهمينا ان لسه ما حدش يستاهل يغزوك بحبه لحد دلوقت!!؟
اعتقد ان الشباب ما عندهمش نظر
اما الام دى حاجة تانية ما ينعش تقولى عليها الحب الاول او الثانى لنها الحب الفريد اللى ماينفعش حد يقول فيه كلام لانه كل الكلام الحلو
صدقينى هى بتحبك اكثر مما تتصورى ومش ممكن تزعل منك ابدا
اراك معشوقة
انتى عسولة خالص
ربنا ببخليلك ماماتك
صدقينى لو قولتلك ان نفسى من زمان اقول كل الكلام ده لامى و اعرفها انها بجد اغلى انسان عندى فى الدنيا بس مش عارف ليه كل مره بتكون الظروف زى الزفت بينا
ما علينا كل سنه و انتى و هيه طيبع يا رب
تحياتى
عجبني أوي سؤال Sokomonoce
بالمناسبة هي مامتك بتدخل على البلوج ولا انتي طبعتي الصفحة ورحتي سمعتيها لها
كل سنة وكل أم طيبة
ميرسيه لكوا كلكوا ( يوسف و الارموطى و ذا مانجر و سكومونس و شريف واودى و منصوراوى وريما واحمد سلامه و تامر والوردا السودا ) وميرسيه على ذوقوا ومجاملاتكو ولكل اللى دخل واهتم
بس فى حاجه عايزه اقولها لمحمد صلاح
يمكن دى اكتر مره انك تسخر من كلامى اللى انا كاتباه على فكره انا اقولك حاجه بس يا ريت الناس التانيه مش تفهمها غلط انا مش كتبت البوست دا علشان حد يعلق عليه لا انا كاتبته لانى فعلا مش كنت عارفه اقول لماما ايه فى اليوم دا
فى حاجه كمان يا محمد دايما لما تدخل على مدونه للتعليق اما تنقد اما تمدح لكن مش تحاول انك تسخر من كلام
حد خاصة لو كان مش متوجه ليك
انا والله كنت بهزر. طيب ما انا كمان بدخل وبكتب بوستات محدش أصلا بيفهمها غيري
أنا كنت أقصد أقول ان المفروض تكوني قلتي الكلام ده لمامتك فعلا عشان هي لازم تعرف قد ايه انت بتكتبي كلام حلو ليها
وانت عارفة كويس اني بهزر مش أكتر
حبيت اقرأ مدونتك، بس تعبت من الالوان اللي بتكتبي بيها. ماتجربي الوان مريحه للعين.
كلا جميل ومعبر فعلا
تحياتي
وينك؟
انتى بقالك فتره ليه مش كتبتى حاجه جديده
يا رب تكونى بخير
ما تتاخريش علينا بقى
انتي فيين يا بنتي كل ده
بقالك شهر تقريبا
إرسال تعليق