فى زحام الحياه قد يتناسى الانسان الحب .. ولكن ربما يواجهه فى زحام الشوارع والطرقات .. وربما فى احدى جوانب الزقاق .. وربما يموت دون ان يولد .. ولكن اذا كان قلبك حى ينبض فاعلم جيدا ان الحب لم ولن يمت
سلمى ...!!!؟؟؟؟
محمد!!!؟؟؟؟
ازيك يا سلمى
الحمد لله ... ازيك انت
عامله ايه ... ياه يا سلمى ... فين من ايام الجامعه
ايام الجامعه ....! ايه يا محمد دى هى سنه ما تحسسنيش انى كبرت اوى كده
سلمى ازيك ... على فكره انتى كنتى وحشانى
وحشاك !!!؟؟
اه ... قصدى كنت يعنى بتيجى على بالى كتير
غريبه ... وانت كمان ... تصدق .. كنت بفتكرك
بجد !!!
اه بجد
ازاى يعنى ... كنت بتفتكرى لى ايه ... دا ناتى عمرك ما كلمتينى فى الجامعه.. ولا كنتى بتكلمى حد من اساسه
مش عارفه .. بس كنت بتيجى على بالى معرفش ليه
تفتكرى فى سبب
لحظة صمت ... تفتكر انت
لحظة صمت ... يتأمل عيناها الى بعدت مع ذهنها لسنوات اربع داخل اسوار الجامعه
ايه رحتى فين
لا ابدا ... انا هنا
ما اشتغلتيش يا سلمى
لا ابدا يا محمد .. بس جالى شغل فى القاهره ومش رضيت اروح قلت كل يوم هسافر ؟...مش هقدر وبعيد عليه .... يمكن اشتغل بالعقد فى مدرسه وامرى لله ... وانت
لا انا اشتغلت الحمد لله ... بس لسه بروح الجريده اللى كنا بندرب فيها ... انت ليه ما عنتيش بتيجى ... صحبتك اللى كنتى بتمشى معاها كانت بتيجى ... استنيتك تيجى معاها ماجتيش حتى تاخدى استماراتك
(متعجبه ) .... اصلى اتلبخت فى حاجات كتير ... بس كنت ناويه اجى
سلمى .... ايه عن اخبارك الشخصيه
مش فاهمه يا محمد قصدك ايه
ما اتجوزتيش يعنى
لا .. هو انا لسه اتخطبت
بجد يا سلمى ... بتتكلمى بجد ؟؟
اه يا محمد فى ايه
يا خساره !!!!!!!!!!!!!!
سلمى .. انا خطبت
لحظة صمت .. ..... .. بجد .. مبروك يا محمد ... الف مبروك ... وانا كمان
انت كمان ايه .. مش قلتيلى انك ما اتخطبتيش حتى
لا هعلن خطوبتى قريب
بجد ؟
اه بجد
بيشتغل ايه يا سلمى
دكتور بشرى
كنت عارف
كنت عارف ايه
سلمى اسالك سؤال
اه
لو كان اتقدلمك حد من زمايلنا عمرك ما كنتى هتوافقى ... صح ؟
اشمعنا يعنى .. بس على العموم عادى يعنى دا كله نصيب
اكيد بس كلامى صح .. صح
مش عارفه.. والله
سلمى اناخطبت وانتى اتخطبتى ... بس بيتهيألى كان فى بنا حوار يمكن ما بدأش بس لازم ينتهى
حوار !!؟؟؟ ... حوار ايه يا محمد
سلمى انت اكيد فهمانى وياريت بلاش تحاولى تهربى تانى
اهرب !!؟؟ اهرب من ايه يا محمد
سلمى انت كنت عارفه انى كنت بحبك .. صح ولا غلط
بتحبنى !!؟؟؟ ازاى يعنى لا معرفش
سلمى انا مش صغير وانتى عارفه كده كويس مش معنى ان كنا زمايل يبقى تفكيرى صغير لا انتى عارفه انى اكبر منك ب3 سنين يعنى افهم زيك واكتر منك
محمد .. حتى لو انت بتقوله دا كان صح فدا موضوع منهى من زمان
ايوه بس ما انتهاش بالنسبه ليه .. يعنى ما قدرتش انساكى
محمد لو سمحت الموضوع دا معتش ليه مكان دلوقتى
سلمى انت بتهربى تانى ليه انا والله ما بفتحش بالعكس انا بقفل صدقنى ... بس انا عايز احس انى مرتاح ما افتكرش الماضى بحزن او ندم انى مصرحتلكيش بحى
انتى كنت دايما بتهربى منى ومن نظرتى ومن اهتمامى بيك
مع انى كنت بشوف فى عنيكى كلام .. يمكن كنت بشوف رفض ساعات .. بخاف منك ساعات ... انت كنت دايما عارف انك مش ليه ... ... خاصة بسبب هروك المتواصل وعدم كلامك مش معايا انا بس مع اى ولد تانى فى الدفعه ... لكن كنت بحس انى حاجه كانت عندك ليه ... كنت مستنى اللحظه اللى هتجمعنا واقولك فيها والاربع سنين خلصت من غير حتى ما اقولك اى حاجه
انهارده يا سلمى انا مش بقولك حبينى وقليلى بحبك بس ريحينى عرفينى كنت بتحبينى ولا لاء
بص يا محمد ... انت يمكنك بهرتك شخصيتى المتناقضه ... يمكن نظراتى شدتك .... قوتى احيانا ضعفى .. طفولتى .. عقلى الكبير .. سيطرتى على صحابى ... يمكنك نبرات صوتى الرقيق هزتك ... يمكنك جذبك ليه حاجات كتير ما اتعودتش تشوفها فى حد ... يمكن كنت مختلفه كتير عن زمايلى
وانا كمان يمكن جذبتنى شخصيك المتوازنه ... او هدوءك ... نظراتك الساكنه ... كبر سنك عننا ...
بس يا محمد عايزه اعلمك حاجه
فى حاجات كتير فى حياتنا بنقابلها وبتعجبنا بس من بعيد يمكن لو قربنالها نغير فكرتنا عنها خاصة لو كنا عارفين و متأكدين انها مش لينا فبلاش بفقد لمعانها وبريقها خليها فى عنينا حلوة نتفرج عليها بس
وانت كنت بالنسبه لى كده تقريبا
شدتنى اه .. اقولك شغلتنى فتره .. بس كل اللى كان بنا دا ما عمره ما كان حب
لو كنت حبتنى عمرك ما كنت هتقدر تسكت كنت لازم هتيجى وتقولى
انت كنت حاجه حلوه بالنسبه ليه .. عارفه انها مش ليه .. ما حبتش تتغير فى عنيه وتفضل حلوه
ياه .. دا كله ... ايه يا بنتى النظريات والقوانين اللى انت ماشيه بيها دى كلها .. الموضوع كان اسهل من كده بكتير ... وكان زمانا اتخطبنا
ما اظنش يا محمد لانى فعلا عمرى ما حبيتك بس كنت عارفه ان عمرى ما هنساك
ربنا يوفقك يا سلمى ... بس انت هتفضلى حاجه جميله فى حياتى ... حاجه معرفتش اوصلها ... وعمرى ما
هنساها ... بس كنت الحلم المستحيل فى حيا تى ..... سلام يا سلمى
هناك 63 تعليقًا:
الحوار ده حقيقي؟؟؟
غريبه الصمت ده كله
وبعدين الكلام
طيب إيه الفايده منه
reri
فين الصمت دا
ما فيش صمت ولا حاجه
ميرسيه على التعلق
المحترمة / سندريللا,
افتكرت المرحوم عبدالحي أديب
السيناريو حلو بس مفهمتش حاجة
دا بيعالج قضية إيه؟
وإيه الأفكار الإيجابية التي يحاول نقلها؟
وهل هذا يمكن أن يصب في مصلحة حرية الرأي ويساهم في حل أزمة الزواج؟
هل المقال الطويل العريض ماشاء الله مش بحسد له إسقاطات على حالة الحراك السياسي والفكري الذي نعيشه؟
هل يمكن أن نسمي المقالة صمت الحملان بتاع أنتوني هوبكنز وجودي فوستر؟
مش عارف هل أنا قاعد معووج عشان كدة مش فاهم؟
إيهاب
ايهاب
الموضوع مش زى ما انت فاهم خالص دا مجرد حوار بسيط مش بيعالج اى مشكله
دا موقف ممكن يحصل لاى حد مش قضيه ولا شاكله اجتماعيه وما لوش دعوة بالسياسه ولا اى حاجه خالص
حوار فعلا بيحصل وقصص بتموت من قبل ما تبدأ قصص حب بتفضل صامتة وانصاف قصص حب وحجات كتير
عجبتني نظرية اننا ممكن نحب حاجة من بعيد بس لما نقرب ليها بتختلف
كراكي عادل
ميرسيه على اعجابك بالنظريه وعلى زيارتك واهتمامك وتعليقك
انت والله اول كومنت ينصفنى لانى بقالى كتير عايزه اكتب البوست دا لكن مش قادره لانى خايفه من النقد اللى هيتوجهلى بسببه
مع اول زيارة ليا هنا فى البلوج اللذيذ ده
ومع اول تعليق ليا هنا فى البلوج اللذيذ برضه
اقدر أقول ان الحموار كويس وجميل بس فيه حاجات بتدى اكتر من حقة وبعدين انا عايز اعرف كل الكلام ده وهم واقفين فى الشارع طيب وصاحبت سلمى راحت فين
انا لو مكان محمد كنت سبتها وقعدت على الأرض دا انا هبطت وانا بقرأ البوست تخيلى بقى انا اللى واقف هعمل ايه
تحياتى وبالتوفيق
وعايز اعرف الموضوع ده حقيقى ولا من خيالك لانى اظن ان نصه حقيقى
حزاك الله كل خير
3abdo me7ta
الاول انت طبعا منور
بس كان نفسى تكون اول زياره ليك فى موضوع جامد مش زى دا
تانى حاجه اللى فى دماغى انهما فعلا واقفين لانهم طبيعى مش ممكن يكونوا هيقعدوا المهم بقى انا قصدى ان الذكرى نستهم كل حاجه حواليهم حتى البنت اللى كانت معاهم
بس الحوار خيال مش حقيقه
انا مش هتكلم اذا كانت القصه ديه حقيقيه و اللا لا
بس انا عايز اقولك حاجه
معاكى فى كل اللى انتى قولتيه اننا فعلا بنقابل حاجات و اشخاص فى الحياه يمكن بنتشد ليهم و يمكن كمان بنحس انهم شاغلين تفكيرنا بس فى نفس الوقت بنحس انهم زى النار يعنى لو قربنا منهم ممكن نتحرق او ممكن حتى احنا اللى نحرقهم
بس بغض النظر عن كل ده احيانا كتيره بيكون القدر كاتب لينا اننا نقرب من النار ديه يعنى كتير جربنا او حتى سمعنا عن قصص بتبدا باعجاب و حب ملتهب و و منها كتير بينتهى
تفتكرى ده بيقى ليه
انا عندى الجواب لانها ببساطه بتبقى لعبه القدر يعنى ممكن يبقى فيه ناس بنبقى عارفين ان معاهم سعادتنا و فى نفس الوقت بنبعد عنهم
ده لانه ببساطه مش مكتوب لينا اننا نكون نعاهم
هى فى الاول و فى الخر لعبه
مش مغلط محمد لصمته و مش مغلط سلمى فى ردها لانه برده هرجع و هقول انه ما كنتش مكتوب انهم يكونوا مع بعض
تحياتى و بجد صحيتى فيا ذكريات مماثله منها اللى جميل و منها اللى مؤلم
تحياتى مره تانيه
و على فكره انا من زمان نفسى انى اتكلم معاكى بس مش بلاقيكى خالص
يا ريت لو تعرفى مره انى اتكلم معاكى علشان لسه فى غموض عندى بالنسبالك فى حاجات كتير
تحياتى
انا قريتها
مرتين
بس راي فيها هقولهولك عالميل عشان طوييييييييييييييل
هي نهي فين طول الحوار الداير بين سلمي ومحمد
كنت منتظر انها تقول اي حاجه
ماعلينا
مش في كل الاحيان الانسان بتتملكه الشجاعه ان يروح لبنت هو معجب بيها و بيحبها انها بيحبها و خصوصا ان في الحوار الداير بينهم محمد مازال من سنوات اذا كانت سلمي بتحبه و لا لأ
فعلي اي اساس هيروح يقولها انه بيحبها يبقي نوع من السذاجه وممكن يسمع كلمه تجرحه
و سلمي اتصرفت علي اساس اللي هي حسته و قالت انه لم يكن حبا
اما اخونا محمد فقعد يحب فيها حب افلاطوني من جهه واحده
وبعدين نقطه تانيه اخدت بالي منها في البوست انت قلتي انها مش كانت بتتكلم معاه اساسا في الجامعه و هو بيتكلم معاها في الشارع و لا اللي اكنهم معرفه قديمه و كانوا اصحاب من ايام الجامعه
و بالمناسبه انا موجود مش مختفي و الله وفي بوست جديد في المدونه
تحياتي
الدبور
شريف
ميرسيه على زيارتك
والتعليق الكبير الجامد اوى دا
انا معاك ان لعبه الحب قدريه بس لا يمنع ان فى عقل وان فى ناس بتقدر تعرف ان كانت هتقدر تكمل مع الشخص دا ولا لا
زى ما تيجى واحده تحب واحد واهلها يمنعوها عنه وهى فى دماغها انها مش هتكون سعيده الا مع الانسان دا وممكن لو اتجوزت اللى متقدملها تعيش سعيده
بس هى دماغ وبتقفل
وطبعا لو علمتم الغيب لاخترتم الواقع
المهم بقى موضوع النار اللى انت بتتكلم عنه دا انا مقتنعه بيه تماما مقتنعه ان فى ناس لو قربوا مننا ممكن يحرقونا
بس فى ناس انت ما تعرفش ان كنت لو قربت منهم هتحرقهم ولا لا
ميرسيه على زيارتك وتعليقك يا شريف
وموضوع انك مش بتلاقينى دا اصلى مش بفتح الماسنجر اوى
احمد سلامه
مستنياك على الايميل
بس يا احمد واضح ان الموضوع مش عجب حد لانى لاقيت على نقد كبير
يا دبوووووووووور انا كان فى تخيل فى دماغى تقريبا ما وصلش حد
انا كنت بقول انهم نسيوا كل اللى حواليهم
تانى حاجه بقى موضوع انهم ماكانوش بيكلموا بعض ايام الجامعه دا عادى
عمرك ما قبلت حد عمرك ماكلمته ايام الجامعه لكن ساعه ما شفته وقفت وسلمت عليه انا حاسه ان دا شئ طبيعى
تحياتى يافندم ع البوست الهايل دة
و اللة زى مايكون حصل معاى
اعتقد ان هناك مواقف كتيرة من الوضوع دة موجودة فى واقعنا الحالى
و انا بالذات حصل معى موقف مشابة
_اخفيت مشاعرى بالحب عن واحدة زميلتى _ولما عرفت من واحد زميل اخر بمشاعرى و انا رحت اصارحها بعد كدة بالموضوع .
قالت بكل استهزاء _ارتبط بيك ازاى _
ومن يومها عرفت ان الخجل معاى مش نافع
ع العموم
انا مش عارف اقوللك اية
بس فعلا البوست
really touched my feelings
لا بصراحه اللي اعرفهم من ايام الجامعه واتكلمت معاهم هما اللي بسلم عليهم و اللي مش اتكلمت معاهم بس اعرفهم بستمر علي نفس المبدا وهو اني مش اتكلم معاهم
مش كل حاجة حلوة في عنينيا وبنحبها في حياتنا ينفع ناخدها او انها تكون لينا اوقات كتير الظروف بتحكم غير كده...زائد ان حاجات كتير منها بتكون جميلة وهي بعيد لكن لو قربنا منها هتبان عيوبها
تحياتي ليكي
محمد سمير
حوار حلو وحقيقى
وبجد فى حاجات بنعشقها من بعيد وااما نقربلها صورتها بتتكسر قدامنا
تحياتى ليكى
:)
Dear Sendella,
Please write your subjects from the daily events happening in Egypt. I believe that you possess high energy. I feel that I'll be more interactive with the above.
With Best Regards
Ihab
kafrawy
اولا انت طبعا منور المدونه بزيارتك الاولى واتمنى ما تكونش الاخير
تانى حاجه ميرسيه على التعليق الجميل دا والله انت نصفتنى انا كنت ناويه احذفه خاصة بعد النقد دا كله ميرسيه جدا جدا جدا
kafrawy
وتعيش وتاخد غيرها بكره تلاقى اللى يستاهلك لو ما كنتش لاقيت
دبوور
انت ليه قلبك اسود اوى كده يا بنى دى مواقف عاديه انا قابلت ناس كتير اوى عمرى ما كلمتهم فى الثانوى لكن كنت عارفه شكلهم ولما دخلنا الجامعه بقينا بنقف مع بعض وصحاب
وبعد ما خلصت الجامعه قابلت بنات كتير ماكنتش بكلمهم وكانوا فى شعبه تانيه وكنا بنقف نسلم على بعض عادى كاننا عارفين بعض وصحاب
خليك ابسط من كده ما تحاولش تاخد موقف من الناس او تكون عدوانى اوى كده
محمد سمير
ميرسيه اوى على زيارتك وتعليقك
ومحاولة تاكيد كلامى
اتمنى انك تكرر الزياره منوووووووووووووور
همسات
ميرسيه على الزياره دى واتمنى انها تكرر
وانا مبسوطه انى لاقيت حد يساند موضوعى لان المرة دى كفتى مش عارفه تطب مش زى كل مره بكون واثقه من موضوعى
ايهاب
الاول عندى سؤال
اشمعنا بتقترح عليه الموضوع دا؟؟؟
تانى حاجه انا حاولت اول ما عملت المدونه انى اكتب مواضيع عن مصر وعن الاحداث اليوميه خاصة انى كنت صحفيه ناقده ساخره ايام الكليه وعملت انجح مشروع تخرج ساخر فى الدفعه بتاعتى ومش ساخر بس لكن مشكلتى انى وانا بكتب بحس بعصبيه زايده لانى ما بلاقيش حاجه فى مصر مش عايزه نقد
ميرسيه على اهتمامك
الحوار حلو اوى فعلا و شدنى
بس انا مزهولة
مافيش حب بيضيع
ازاى هو دة رد فعلها؟؟؟؟؟؟؟؟؟؟؟؟؟؟؟!!!!!!!
Dear Sendrella,
I ask you to write on daily issues since - as I told you - it'll be more interesting for me.
It is not required from you while you write/criticize to strain yourself. Only write and collect solutions and alternatives then I feel this is the effectiveness and the value of the blog.
This is my opinion only.
Next time I'll try to write in Arabic.
Thanks and Regards
Ihab
الاخ أيهاب
أنك شايف إن كل حاجه تتكتب بتقدم فكر يبقي دا شيء كويسإنما لالفكر ده لازم يكون معقد(سياسي أو نقدي أو اجتماعي)فده قصور في رأيك أرجو تعديله
بالنسبه ليكي (أختي سندريلا)ذ
إني حسيت إن الحوار حقيقي فده اللي حصل لكل الناس
و إني حسيت أنك بطلة الحوار فده شك مني.1
بس المحصله أنك قصاصه رائعه و هيكون نقدي علي الاسباب اللي خلت محمد ميتكلمش مع سلمي أيام الجامعه (بسبب الخجل و التربيه المغلقه)
الاتنين دول بيجعلوا قصص حب جميله تنتهي قبل ما تبتدي ودا ممكن يزعلني جدا جدا
سلامي ليكي1
R.O.U.R.O.U.
ميرسيه على الزياره وعلى التعليق
بس عندى اضافه
لو كان حب ما كنش ضاع لكن سلمى ذكرت فى الاخر انه مش حب
وانه لو كان حب ما كنش محمد هيفضل ساكت 4 سنين
اتمنى انك تكرر الزياره
ايهاب
انا ان شاء الله هفكر فى الموضوع دا بس لو لقيت موضوع جاد فعلا فى الدوله يستاهل الكلام فيه
موضوع الكتابه بالانجليزى او بالعربى ما تفرقش معايا كتير لانى جامعيه للعلم واعلام كمان
dr.D
طبعا كنت مستنيه تعليقك خاصة ان موضوعى تقريبا شبه غير مقبول او النقد مش عنت قادره اقاومه فمحتاجه حد يساندنى
ميرسيه على كلامك الرقيق فى موضوع قصاصه رائعه واتمنى انها ماتكونش مجامله
موضوع الخجل او التربيه او .. او .. مش دا موضوعى خالص لان تقريبا الموضوع دا شبع منعدم او فى موضوع الاعتراف بالحب بالذات محدش عاد بيفوت الفرصه من ايده
لكن انا كنت عايزه اوصل هدفين او تلاته
ان فى حاجات بنحبها من بعيد لما بنقرب منها ممكن نفقد جمالها
ان الانسان لازم يكون عارف هو عايز ايه زى سلمى
الانسان ما يحاولش يكسر حاجه مش بتاعته ولا هتكون بتاعه
حاجات كتير حملتها القصه يا دوك يمكن مش الكل قدر يوصلها وخاصة اللى انتقدونى فى الموضوع
لكن لو كانوا ركزوا ومش استهتروا كانوا وصلوا للى انا عايزه اوصله
اسفه على التطويل
بس اكيد انت نورتنى وظبت الكفه بتاعتى شويه
وميرسى على الزياره
يمكن الانسان مش لازم يضيع شىء حس بيه ولازم يكون ايجابى
فى نفس الوقت واللحظة مش يستنى وقت يمر وحلمه يضيع ويروح لغيرة ويفكر لما يشوفه صدفة ياخدة
هوة دة اللى يمكن بيخلى معظم احلامنا تتوة وتنتهى قبل ما تبتدى
تحياتى وتقديرى
ارجو منك أن تدعمينا في حملة ( افضحوا تجار الكيف )
التفاصيل ستجديها في مدونتي
تحياتي
=========== تلاكيك =============
حمدالله على سلامة الكسل
-------------------
أولا يا سندريلا العنوان جميل والصورة حلوة
بعد كده فجأة :
قبل اى حاجه بعتذر على طول الحوار
مالهاش اي اي لازمة
اللي حابب يقرا يقرا واللي حابب يكروت يكروت ولو ضروري منها يعني تبقى في اخر القصة مش تخرجني من موود القصة كده قبل ما ادخل
ثانيا :
تركيزك على سلمى ومحمد مايبررش ابدا الاختفاء الغريب لنهى فجأة
ولو هما نسيو نفسهم زي ما انتي قلتي المفروض لا هي ولا انتي تنوسها
وبصفة عامة الأسلوب القصصي القوي غالبا لا يعترف بأسماء الا الرمزية منها أو فان القصة تكون وقائع حقيقية
على فكرة انا ساعات كتير بكتب باسماء وببقى مسترخم جدا الاسلوب ده
ثالثا: الالوان كفاية تفرق القائل من المستمع هو وهي مكنش هيأثر شيء عدم وجودها لان نطقي وانا بقرا لهو وهي بيخرجني تماما من جو الحوار المتبادل بين سلمى ومحمد خصوصا انه كان قصير وبيبقى جمله او جملتين في معظمه
رابعا : العامية الموجودة بين المتحاورين جميلة جدا فعلا لكن ماحبيتش يتكلم بيها الراوي في أول الوصف زي :
نهى وسلمى ماشيين فى الشارع ... وفجأة خبط فى كتف سلمى واحد فبتبص
خامسا :
جملة : سلمى ازيك ، اتكررت مرتين في اول لقاؤهم ببعض من غير اي مبرر
بعد كده بدات القصة تمشي عادي خالص ووصلتني فكرتها الجميلة جدا بس وصلتني كنقاش غير مباشر بين وبينك مش عن طريق القصة القصيرة لانى فشلت اني ادخل في جوها بصراحه
عموما تقدري تعتبري معظم النقد ده تلاكيك فارغة باثتثناء ملحوظتي الاسماء واستخدام العامية
طبعا انا نقدي هنا ادبي بحت لاني متفق معاكي في الفكرة الجميلة اللي مش شايف انها احتاجت انك تشرحيها في اكتر من تعليق
وإلا فإن القصة وفكرة الحبكة الادبية يبقو لازمتهم ايه ؟؟!!
يا رب تكوني فهمتيني
ومزعلتيش
واسف للرخامة المركزة المره دي
علي فكره سندريلا متشكر جدا أنك ضفتيني علي الميل بتاعك و أرجو إنها تكون بداية أخوه بينا
سلامي ليكي
والله يا ست سندريلا أنا ما قلتش - لا سمح الله - إن معاكي دبلوم صنايع , مع العلم إن ده مش عيب ولا حرام ولا مكروه, فقط قلت اني هكتب بالعربي ومش مطلوب ان حضرتك تقولي إعلام وجامعية فأنا أحترم الجميع والله. واعلمي ان ما دفعني للتعليق علي البوست بتاعك هو شعوري ان شغلك جيد.
ولك التحية والتقدير
إيهاب
لمهم
ايه موقف نهي بقي
كانت فين في الحوار دة
عارفة الحوار شدني من اوله لاخره
وانتي صح
في حاجات كتيرة اوي بتشدنا بلمعانها وبريقها
لكن لما بنيجي نقرب منها بينتهي لمعانها
وبتذوب ولا كانها موجودة
يمكن كمان بتسبب لينا الم كبير
والحوار دة بيحصل الف مرة في الدقيقة
وحكايات بتموت من قبل ما تتولد
تحياتي لقلمك ولحوارك المبدع
البوست الواقعي جداً دا (مع ان غالباً في الواقع بيستمر الصمت الى ما لا نهاية) أكدلي احساس عندي وصلتله في حياتي
ان لازم اي احساس يملانا ناحية حد ، منأجلهوش ونقوله حتى لو اتفاجئنا برد فعل مش متوقعينه دلوقتي احسن من بعدين ، وف نفس الوقت عشان محدش يعيش الوهم يبقى فيه صراحة ووضوح من البداية ومن غير ما نهين كرامتنا طبعاً
بس الصمت في المشاعر مش مطلوب ابدا ًوبيعقد الامور اكتر
وعلى فكرة حتى مع أهلنا ساعات بنبقى بنحبهم بجد ومحرجين نقولهم بنحبكم او نبوس ايد امنا او ابونا مع انه ممكن ييجي الوقت اللي نتمنى نبوس رجلهم حتى وهم بعيد عنا
بوست واقعي ومميز بجد
hana
ميرسيه على تعليقك ومساندك وزيارتك واتمنى انها تتكرر
احمد
الاول :الاعتذار انا كنت هحطه فى اخر القصه بس حبيت اعمله فى الاول علشان اللى هيقرا يبقى عارف انه طويل ولو عملتها فى الاخر هحس انه بيقولى بعد ايه بقى
تانى حاجه :التركيز على سلمى ومحمد انا معاك بس انا مش حبيت اطول انا عندى على الورق عامله ليها تكمله لان بعد ما محمد مشى دار بين سلمى ونهى حوار تانى بخصوص نفس الموضوع بس محبتش اطول بس ممكن اصحح واكمله بس محبتش اطول
تالت حاجه:انا معاك فى ان الاسماء ماكانش ليها لازمه ممكن نحذفها
جمله : ازيك يا سلمى
انا قصداها لان لو تخيلت الحوار هيكون في توتر ومحدش لاقى حاجه يقولها وفى لخبطه
انا كنت حاسه انه مش هيعجب حد انا مش زعلانه منك ولا حاجه
ايهاب
انت فهمتنى غلط خالص
انا بقول انى عادى بفهم ومافيش مشكله ولا حاجه
smraa alnil
ميرسيه على تعليك واهتمامك
اتمنى انك تكررى الزياره
ناردين
ميرسيه على تعليقك الجميل دا كله
واتمنى انك تكررى الزياره
تعرفى انه فيه يجى 100حوار شبه كدا بسس للاسف لسه ما داروش
احيانا كتيره اوى اوى اوى نتكلم بعنينا بس
وبنرجع نندم
يمكن محمد وسلمى فرصتهم احسن بكتيييييييييييييييير اوى من اى ناس تانيه
انهم على الاقل عرفوا ولو بعد فوات الاوان انهم يقولوا لبعض على اللى كان جواهم
تعرفى
كدا احسن
ميرسى بجد ليكى
ميرسى اوى
؟
؟
؟
:)
ساعة الغروب
ميرسيه على زيارتك وتعليقك الجميل
وكمان انك خدت الموضوع ببساطه مش زى الناس التانيه عقدولى الموضوع بصراحه من غير ما حد يزعل
امممم
ممكن اتنفس قبل اما اعلق
انا اصلا كنت داخلة انام
اتخبط هنا
بتفق معاكي في ان الشيء ممكن نحبه من بعيد لكن لما نقربله ممكن نتغير من ناحيته
بس مش عارفة ياسندريلا القصة بتوحي إنهم كانوا زملاء
يعني عارفين بعض كويس يعني فيه مجال إنهم عارفين بعض إلى حدٍ ما لأن أصلا صعب نعرف الشخصيات تماما ولو عارفينهم سنين
يعني المسآلة هنا واللي شايفاه خطأ
السكوت في الحب
والمنتشرة للأسف بنسكت لغايو أما نفقد اللي بنحبهم
وشايفاه سلبية بتتعب الطرفين وسلبية من جانب الراجل أكتر لأنه هوا اللي بيقدم على الخطوة الأولى
والحب كله وجع
مرهق لأبعد مدى
وبرده مبنبعدش عنه
تحياتي لكِ ياجميل
نهى ميرسيه على زيارتك وتعلقك
بس يا نهى مش شرط كل الزمايل يكونوا بيكلموا بعض
اكيد قابلتى بنات ماكنتش بتكلم ولاد او معندهاش شله ولاد وبنات
بيكون بنات بس لوحدهم فى بنات بتخاف من الاختلاط لان مقالب الولاد كتير وفى بنات بتقول ايه اللى يخلينى اقعد فى وسط الولاد ويطلعوا بره يتريقوا عليه
فى حاجات بتمنع البنات من محاولة التقرب من الولاد
موضوع السلبيه اللى قلتى عنه
دا مش سلبى هو خاف منها تصدمه وهى ما محاولتش تقرب منه لانها عارفه ان دا مش اللى هتحبه او تتجوزه
فى نقط كتير فى الحوار اتمنى انها توصل ناس كتير
مره تانيه ميرسيه على تعليقك واهتمامك خاصة انه مش تعليق عادى
غريب انه يقعد اربع سنين على اساس انه بيحب و يسكت حتى لو مبتكلمش حد برضه كان هيكلمها هيتصرف
الناس بقت غريبة كده فعلا ممكن يقابلوا الفرص و وقت طويل و بعد كل الوقت ده ما يروح
يفتكر بقى ويتكلم فى الفرصة الضايعة
تحياتى
تحياتى:
فكرة مهمه يعنى كلنا رحنا الجمعه وشفنا زميلات وزمايل وكل واحد فينا قرب منهم وعاش معاهم سنين وسنين بس الوقفه هنا احنا ليه منقدرش نسميه حب ده اسمه ارتباط (اقصد ارتباط مش بمعنى الزواج)
ارتباط بمكان بأشخاص بحياه معينه ليها مفردتها فى وقتها واكيد كل واحد مننا شاف زميله او زميل قرب منه عرف مشكله تحاور مع بعض فى موضيع قربتهم من بعض معنى ده اننا نكلم المقزون
لالالالالالالالالالالالالالالالالالا
ده نسميه ممكن الفه مشاعر غير ناضجه ومنكرش انها ممكن تتبلور بعد كده الى الحب والزواج
بس الاغلب من لا يدرك تلك المشاعر الحانيه يسقط فى غيابات الالم والندم
بجد مش كل حاجه فى العلاقات دى حب
شكرا..................
ahlan be el sendrella
aktar 7aga 3agabetny feky enk romansia we 7alema mesh 3aysha fe el 3alem el bashe3 elle e7na feh
we lamma 2aret el post 7asset enne baktashef goz2 3’areb men sha7’seyety makontish ha2dar aktashefoh lewa7de abadan
merci ya ara2 banat el donia
HaMbAcAWeY
ميرسيه على كلامك الرقيق دا ومجاملاتك الكتيره وكمان من اول زياره
فى حاجه بقى انا مش بعيده من العالم البشع ولا حاجه بالعكس انا قريبه منه جدا وحاسه بيه واللى بيحصل كله بس انا مبحبش اشيل نفسى حاجه مش بايدى اعدلها لانى مش انا لوحدى اللى هعدل الكون
موضوع الرومانسيه بقى الحاجه الوحيده اللى بحسها فيه انى حساسه اكتر من اللازم
ميرسيه على زيارتك وياريت تتكرر
سندريلا
جميل يا سندريلا والله
دايما المواقف دي بتحصل
وبيكون الصمت هو الغالب المنتصر الي فرق بين اتنين كان ممكن في يوم من الايام بيقوا حاجه لبعض
عندك حق فيه حجات من بعيد بتبهرنا لكن لما نقرب منها بيضيع لمعانها وبريقها
تسلم ايدك ا قمر والله
تحياتي ليك جدا
ايه يا سندريلا انتى بقالك فتره مش بتكتبى انتى يا اما بتتقلى علينا يا اما بتحضرى لبوست جامد كالعاده
انا عايز رايك فى البوست الجديد بتاعى
تحياتى يا نجمه الزقازيق
انتي فين يا بنتي طمنيني عليكي يا قمر
على فكرة يا سندريلا أنا بعتلك تااااااااج إبقى شوفيه و ردى عليه
ايه يابنتي فينك من زماااااااااان قلقانة عليكي
فليبدأ فى طرق اخرى
وهى .. فلتستمر
ميرسيه لكل اللى سألوا عنى
بس والله كلكوا وحشتونى ووحشتنى مدونتى جدا كنت فعلا مفتقداكوا
بس اعمل ايه للصيف والمصايف وجمال البحر والحاجات الحلوه دى
شريف
انا ان شاء الله هقرى البوست بتاعك
وارد عليه اكيد
HaMbAcAWeY
هشوف التاج وهرد عليه ان شاء الله
بس اشم نفسى بس
جهينه
ميرسيه على كلامك الحميل ومجاملاتك الرقيقه واتمنى اكون كنت صاحبة فكره فى الموضوع
وميرسيه جدا جدا على سؤالك عنى واهتمامك بغيابى
قلوب حائره ميرسيه على سؤالك وانا الحمد لله رجعت بالسلامه الى ارض الوطن
عين ضيقه
ميرسيه على التعليق الجامد دا تقريبا كملت الحدوته بتاعتى
الحوار يحمل معه مجموعة تناقضات تثير المشاعر وربما تثير بعض التساؤلات
محوره حلم ظل مكبوتا طوال اربع سنوات
وحواجز كثيرة مجهولة المصدر
وفى النهاية تحول الحلم الى مستحيل
****
حوارك يحدث احيانا كثيرة ولكنى اعتقد انه يحدث اكثر فى (اذهان) كل من وضعوا لانفسهم حواجز ولم يكن بينهما حوارا يوما ما
تحياتى لكى
القصه حلوة
بس تكراتر البطله اسم محمد فى كل سطر مش طبيعى
مش معقول وانا بكلمك وانتى قدامى انطق اسمك فى اخر كل جمله بالعكس
المفروض الجمل تكون قصيره اوى
كمان البطل غبى شويه بعد ما خطب وهى اتخطبت ايه لزمه فتح الموضوع وقفغله
كان يعتقد انه حب من طرف واحد انتهينا ولازم يلوم نفسه على اتنظاره الطويل
القصه حلوة
تحياتى
حلو الحوار و حقيقى فعلا
و ده بيحصل مع ناس كتير اوى بس انا راى من راى ممكن
يعنى بعد ما هما الاتنين اتخطبو كان لزمت الموضوع ايه
بيحصل حب كتير اوى بس مش اخره الجواز
تحياتى
ياااه حلوو اوى الحوار دا
وفعلا فيه شخصيات بنبقي منبهرين بيها وعجبانا اوى لكن من بنقرب الانبهار دا بيتبخر
حلو اوى اسلوب الحوار دا
احييكى بشده
إرسال تعليق