الخميس، سبتمبر 13، 2007

عالمى الخاص


اشعر اننى لى عالم خاص ... بهر الكثير وحسدونى عليه ... ولكنى ربما اجدنى اكرهه لانه لا يشبه عوالم الاخرون ... ربما عالم منفرد منقسم الجهات ... ربما يكون انطوائى ... ربما انفعالى ... ربما انعكاس لبعض من سمات شخصيتى الانطوائيه احيانا او الحيويه احيانا اخرى ... او ربما يكون تصنع او ابتعاد عما اريد فعله ... وربما واقعى ممتزج بنوع من الخيال الطموح ... ربما اكون نفسى ... ربما عالمى هو انا الحقيقيه
قد اكون بهرت الكثير بذله العالم الغريب ... ربما بهرنى انا ... وربما ازعجنى وسبب لى احباطا من الحياة ... ولكنى عندما ارى عوالم اناس اخرين ... اعشقه ... واسكن صومعته الصغيره التى يسكنها معى متطلباتى فى الحياه ... قد يشاركنى ذلك العالم ملابسى الجميله ومدونتى ويعلو قائمه الساكنين حبيب ان وجد ... بعض الاقلام ربما واحد رصاص وواحد من الحبر الازرق الذى اجيد الكتابه به ... اعشق الاقلام عشق الصدف لسكن الرمال او صفحات البحر الخارجيه ...
عالمى عالم دقيق بمحتوياته ... يحياه كائنات دقيقه ... قلم ووريقات من دفاترى ... وكشكول ضائع ابحث عنه يحمل طيات وريقاتى وذرات افكار عابره ... ربما يحمل موضوعات اشتاق لقراءتها ... لكنه ضائع الان ..... وخاتم اصبع يدى الشماليه ... خاتم من الذهب الابيض المرصع بفصوص من الزجاج ربما ... من الياقوت الابيض ربما ... قلب حائر ... وعقل ضائع ليس له من اتجاه ... دموع ساخنه ملتهبه لا تسكن ابدا وليس لها مكان ... ربما تائهة على ضفات عيونى او على صفحات وجهى الغامضه ... وميدالية ذهبيه لحروف اسمى الاربعه مرصعه ببعض من فصوص لا اعلم لها تصنيف ... وثلاث مفاتيح لا اعرف لهم هويه ... ربما احدهم مفتاح لمكتب قديم اسود ربما لا اذكر اى علاقه تربطنى بتلك القطعة الخشبيه ... ومفتاح لباب شقتنا ربما الايمن ربما الايسر ربما لا اعرف ... فلا استعمله اطلاقا ... ومفتاح لدولابى ... دولاب خشبى بنى اللون ... عندما تفتح ابوابه ينبعث منه عطرى المميز ربما اغيره من حين لاخر ولكنى دائما اهوى الروائح الرقيقه ... وسلسلة فضيه لا ارتديها ولكنى ساحتفظ بها باقى العمر ... واسم من اربعه احرف ... اتلذذ بكتابته فى كل مكان الا الحوائط ... اهواه واحبه كثيرا ... اصبحت مريضه باسمى ... واريد علاج فورى ... وازرار جهاز محمول بارده لا ادق عليها كثيرا ... وارقام ليست بكثيره ... وهناك ارقام اتردد فى ازالتها ليست بمهمه ولكن يعز علي حذفها او محو معها ذكريات من خيالى ... صديقتان او ثلاثه منذ الجامعه لا اراهم ولا اتحدث اليهم ...كلها اشياء مملة الطابع ... باردة الاحساس
اجدنى صفحة بيضاء طمثها لوثها سكنها بعض من ذرات الحبر الاسود وربما من الرصاص ... لا اعرف هل يمكن ازالتها ام لا ... وربما يمكن ازالتها ولكنى اتشبث بها ... او ليس لدى الممحاة التى تزيلها او ربما امتلكها واخفيها ... ولكنى لا اريد الانتقام منها او محوها اطلاقا ... لا اشعر باضرارها ... ونوايا كثيره تسكننى ربما بالرحيل الى عالم اخر منتعش الوجوه ... مثير الاهتمام ... يغمرك فى اجوائه ... يجبرك على التعلق به ... ولكننى اذا رحلت اهرب ثم اهرب ... اهرب من عالمى ثم من العالم الاخر ... فاعلم اننى اجيد التعلق بعالمى ... اذا انتقلت الى عام اخر سانقل معى العدوى واجعله عالم ممل ... اسئله لا اجوبة لها او ردا عليها ... اتساءل عن اشياء لم اعرفها ... قد اتساءل بلسانى ... وقد اتساءل بعينى ... ربما انقد وانقد
اشعر ان حياتى وريقات امتلكها ... كتابات على صفحات ابدع فى الحفاظ عليها ... كتابات من شخصيتى ... اصتنع التصديق انها من شخصيتى ... فانها حقا شخصيتى الحقيقيه ... كل كلمه اضعها على الورق فهى انا ... هى ملامح شخصيتى الداخليه .... اشعر انها حروف مطمثه لا اجيد تمييزها ... وربما اميزها ولكنى اكذب واقول لا اعرف

هناك 39 تعليقًا:

msafa يقول...

عالمك الخاص رائع وجميل احسدك عليه رغم انك تقوليين انه ممل ليت لى كل هذه الخصوصيه ربما املك جزء صغير منها ولكن لا استطيع ولا ااجيد التعامل معها ... رائع احساسك هنا كل سنه وانتى طيبه رمضاااااااااااان كريم

O S A M A يقول...

فهذا هو مايميز عالمك سندريلا
لايشبه عوالم الاخرون
انه عالم مميز
عالم من نوع اخر
ارى انعكاسات لشخصيتك داخله
ودا اكيد شيء طبيعى
لديكى روح التجربه والمغامره
تحاولين الخروج من عالمك
لتسكنى عالم اخر
ولن تستريحى به
فـ انتى ملكه متوجه في عالمك
..................................

حلو اوى اسلوب الكتابه دا والسرد انا بحبه اوووووى رغم انى لا اجيده ولكن بحب اقرئه

الفكره كمان حلوووووه

اسف سندريلا على التأخير غصب عنى والله

لكن باذن الله هتلاقينى هنا دايما

تحياتى وسلامى لكى

كل سنه وانتى طيبه

Radwa يقول...


مسافه
ميرسيه على تعليقك الجمييل دا وكل سنه وانت طيب
بس مهما وصل الحد معاك للمشاركه فى اشياء عديده لديك تاكد ان هناك اشياء لا يمكن للجميع مشاركتك فيها ابحث عنها
ستجدها امامك وربما لا تراها

Radwa يقول...


اسامه
ميرسهيع لى زيارتك ليه وانت متاخرتش ولا حاجه
ميرسيه على اسلوبك وحلو اوى تحليلك لشخصيتى دا وانا مبسوطه ان زرتنى وكل سنه وانت طيب بس ما تقطعش الزياره

abo salah يقول...

بعد السلام عليكم

مدونتك من المفأجات التي أنتظرتني
أسلوب كتابتك جميل جدا
وعالمك هو عالم مميز بالفعل

تحياتي
وكل سنة وأنتي طيبة
ورمضان كريم

الطائر الحزين يقول...

ما اصعبة قرار التغيير و هذا مرتبط بعاطفيتنا الزائدة قد نرى سعادتنا فى حياه بعينها نعيشها لكن لا تخطو خطوة لهذه السعادة لمجرد ارتباطك بالقديم والعاطفة الزائدة له وتتخذ دور المضحى حتى ولو على حساب السعادة كما تراها

كل عام انت الى الله اقرب وعلى سعادتة ادوم

momken يقول...

لكلا عالمه الخاص لا يعلمه غيره ولا يعلم سره غيره
ولا يسافر اليه غيره هو

انتى رائعه فى رصد التفاصيل الدقيقه
وجميله جدا فى صرد الذكريات
وتستطيع اناملك ان تملك عقل المتلقى

انتى ممتلكه لائدواتك
تحياتى

sherif gharib يقول...

لقد قررتى ان تفتحى صفحات غموضك يا سندريلا و ان تبوحى بما لديك من التفاصيل
اه منها تلك التفاصيل
هى حياتك انتى هى مضمونك و عالمك و حياتك
اتدرين ان كل منا يمتلك تلك التنفاصيل لكن ليسوا بكثيرون الذين يستطيعون تميزيها و ادراكها وريقاتك الصغيره الميداليه المفاتيح
كلها اشياء و لكنها فى مجملها تعبر عن السندريلا
تحاولين الخروج منها بدعوى الانبهار بعوالم اكثر بريقا خارجك
و لكن من ادراك انها كذلك ربما هى فى ظاهرها تبدو كذلك لكنها فى مضمونها عباره عن مجموعه اخرى من التفاصيل انتى فقط لا تعلميها
و اذا انغمرتى فيها ستجدينها حقا مماثله او مغايره لتفاصيلك انتى و لكنها فى النهايه تفاصيل
هى انعكاسات حقا لمراه لا ترى على صفحتها سوى السندريلا لانها ببساطه ممثله منك انتى
لا تحاولى الخروج منها لانكى لن تستطيعى ان تنزعيها من عليكى و لكنكى اعلم انه يمكنك الاضافه اليها فهذه هى الحياه التى نمتلكها بارادتنا
تفاصيلنا
اعذرينى فاذا تعمقت كثيرا لن اتوقف عن الكتابه فى هذا الموضوع
انه يحتاج لاكثر من كشكول من ما لديك
او لدى
تحياتى ايتها المعبره الغامضه

tweety يقول...

ربما يكون المل هو الموت الذى يفتك بصاحبهصراع و احيانا يكون راحه لايعلمها سوا من تمتليء حياته بال

Radwa يقول...


ابو صلاح
او جاهين بقى او معرفش
بجد ميرسيه جدا جدا جدا على تعليقك وزيارتك ليه واتمنى انك تكررها

Radwa يقول...


الطائر الحزين
ميرسيه على زيارتك وتعليقك
وتحليلك لمضمون البوست ويمكن لشخصيتى

Radwa يقول...


ممكن
ميرسيه على زيارتك اللى على طول منورانى
ميرسيه على تعليقك الجميل دا والحمد لله ان البوست عجب الناس

Radwa يقول...


شريف
بجد مش عارفه ارد على تعليقك اقولك ايه
بس برده انتى مصمم على موضوع الغموض دا
ميرسيه على كلامك الجميل ا اوى
انا مش عارفه فعلا ارد عليك اطلاقا وميرسيه كمان على النصيحه الاخيره دى
لانى لما بقعد مع نفسى برده مابلاقيش غيرها

Radwa يقول...


tweeeeeeeeeeeety
ميرسيه على الزياره والتعليق
وفعلا كلامك صحيح
نورتينى
واتمنى تتكرر ازياره

غادة الكاميليا يقول...

ايه ده يابنتى معقول انتى من الزقازيق وأنا أول مرة أعرف
ع العموم أتمنى أعرفك قريب
يجعنا بلد واحد ياجميله
كل سنه وانتى طيبه

Radwa يقول...


غاده
كل سنه وانتى طيبه
ونورتينى
وانا اتمنى انى اعرفك برده

sherif gharib يقول...

سندريلا
انا بوستى الجديد نزل
اكيد طبعا طبعا طبعا
مستنى تعليقك يا باشا
تحياتى

تــــ(حـنة)ــــر يقول...

كل رمضان و انتى بألف خير
معلش عارفة انها متأخرة
بس , حقك عليا
بقولك
اوعى تحسي انك فى عالم غير العالم اللى احنا فيه
لأن فى منك انا اعرفهم
كمان . انا شايف ان كل و احد لأزم يحب نفسه على ما هي

تحياتى

تمر حنة

Unknown يقول...

حلوة قوي اللخبطة دي

تعرفي ان اللخبطة دي بتدور جوا كل واحد مننا

مافيش حد عارف نفسه بالسنتي

مفيش صدقيني

أحلي حاجة فغي الصومعة ان يبقي ليها شباك باصص علي برا وبيدخل شوية من اللي برا عندنا
ماتبقاش مقفولة من كل ناحية
وأحلي حاجة في الصومعة برده ان الانسان يقدر يخرج منها وقت مايحب
ماتسجنوش جواها

لخبطة جميلة

تحياتي

NeRmeeN يقول...

واضح ان تطابق الابراج بينا ...لعب لعبة كبيرة اوى معانا :ي

انا كمان بحس بنفس الاحساس اللى انتى فيه ..وكتير بحس انى مملة وحياتى مملة بس الفرق انك بتحى العالم بتاعك...انما انا مش حباه و بكرهه

سورى على التأخير فى الرد

كل سنة وانتى طيبة ورمضان كريم

تحياتى

el_assel يقول...

انا والله مش عارف اكتب ايه
اصل المفروض يكون مستوي الرد علي مستوي الموضوع واسلوبه
بس علي العموم
انا رايي ان عالمك ده شي جميل جدا انتي مش حاسه بيه
ممكن يكون فيه حبة عيوب ودي سهل تغييرها
بس انا لو عندي العالم ده اكيد مش حاسيبه طبعا

shahrzad_storry teller يقول...

عالمك يحمل ميزة ان تجديها في أي عالم اخر هي انه عالمك

Radwa يقول...

تمر كل سنه وانتى طيبه
على فكره اسم مدونتك الجديد جميل جدا
ميرسيه على زيارتك ةتعليقك

Radwa يقول...


فنان فقير
ميرسيه اوى على زيارتك الجميله دى واتمنى تشرفينى دايما
اهم حاجه بقى ام كلمه اللخبطه دى عجبتنى جدا

Radwa يقول...


نرمين
ميرسيه على زيارتك
الحمد لله ان فى حد عالمه زى عالمى
يمكن تطابق الابراج هو اللى عمل كده

Radwa يقول...


الاصيل
ميرسيه اوى على زيارتك بس كان نفسى ترد الرد حتى لو كان مش من مستوى الرساله

Radwa يقول...


شهر زاد
ميرسيه على زيارتك وعلى تعليقك

الأستاذ يقول...

لكل منا عالمه الخاص الذي يستريح فيه سواء بمفرده أو برفقه مع يستمتع معهم... كل عام وأنتم بخير

el_assel يقول...

كل واحد فينا ايه العالم بتاعه
مش انتي بس
وكل واحد بيحاول يخليه زي ما هو عايز علي قد ما يقدر
وما فيش حاجة تجبرك علي ان انتي تعيشي في حاجة خلاص زهقتي منها

المصير يقول...

ايه ياعم الرومانسية ديه كلها

ماشاء الله دا انتى عايشة فى عالم غير اللى احنا عايشينه

أسوور يقول...

هناك حكمة تقول
الأشخاص الملولين هم فى الأصل اشخاص مملين

وانتى لست مملة فلماذا تشعرين بالملل؟؟

اخرجى من الشرنقة .. ثورى على ما حولك من مجمدات وقوالب

وانتظرى النتيجة
ستنبهرى .. صدقينى

تحياتى

Radwa يقول...


الاستاذ
ميرسيه على زيارتك وتعليقك
وكل سنه وانت طيب

Radwa يقول...


لا انا مازهقتش منها ولكن عايزه اضفى عليه بعض التغيرات التى تجمل منه وتزيل عنه الملل

Radwa يقول...


المصير
ممكن يكون عالمى رومانسى ولكن اخشى ان يلوثه الملل فتضيع رومانسيته

Radwa يقول...


ياسمين
صدقينى نا مش ممله بالعكس روحى خفيفه ولذيذه جدا
ميرسيه على تعليقك

أحمد سلامــة يقول...

مرة واحده كده يا سندريلا
طيب واحده واحده
الاول : عالم خاص
جميل
التميز في حد ذاتة شيء رائع
على الاقل مش هتحسي دايما انك مجرد انسان اخر من اللي ماليين الشوارع والبيوت
عشقك للجوامد في حياتك
يعني خاتم الاصبع ، والسلسلة ، وحتى المفاتيح المجهولة
انتي تشعرين
اذن انتي تحيين
مفيش مشكلة لسه
اللي انا حاسة وشايفة من القراية
هي مشكلة الاحساس المرهف تناقضة مع كركبة الحياة برة
لكن بكل صراحة لديك من الشاعر ما يعتبر نعمة من الله وكنز
بلاش تشتكي م كونك انسانة حساسة

Sameh M. Magdy يقول...

رائعة جدا سندريلا
لقد خط لنا قلمك الذهبي علي اوراق الحياة عالم جميل هو عالمك الخاص رائعة
دمتي كذلك دائما

gray light يقول...

أينعم عالم خاص بس كأيب جدا , أنا مقريتش بس الانطباع الأول صعب من اللون الأسود علي فكرة دة رأيي مش انتقاد, علي فكرة أنا كتبت الكومينت الغلث ده علشان اضايقك وتيجي تشوفي مدونة الي بيتكلم ده , علشان انا بنش ههههههه

رشحلي كتاب يقول...

الله عليكى بجد تسلم دماغك اللى قالت كل اللى انا مش عارفه اعبر عنه اختك فى التدوين فيونكات
من خرج من داره يتقل مقداره خليكى فى عالمك احسن