الاثنين، فبراير 25، 2008

أغرب حواء فى حياتى

انهاردة موضوعى مختلف كتير عن طبيعة الموضوعات اللى دايما بكتبها فى المدونة بس انا كتبت الموضوع دا لانى خلاص انفجرت هتكلم عن شخصية كنت عارفاها من زمان بس أول مرة اتعامل معاها من قريب السنه دى هى بنت بس أنا كنت الاول بحس أنها طيبة جدا ومش لئيمة من كلامها لانها كانت دايما تقولى مابحبش البنات اللئيمة ولا اللى بيفضلوا يخبوا حاجاتهم
المهم البنت دى انا اتعاملت معاها من خلال الدراسة لاننا اتصحابنا بناء على طيبتها
المهم بقى البنت لقتها غريبة جدا عمرها ما شافتنى لابسة حاجه غير لما تحلف ميت يمين انها لازم تجيب زيها مش يمكن تكون وحشة عليكى لا هى هتجيب وممكن تلف الجمهورية كلها علشان تلاقيها ولو مش لاقتها تبقى زعلانة وهتموت انها ازاى انا عندى الحاجه دى وهى مش عندها
وكل ما احكلها على حاجه الحاجة دى تبوظ معرفش ليه كل ما اعمل بحث لازم البحث يبوظ ومواقف موت
يعنى مرة كنا فى المكتبة وانا بعمل بحث ومشل اقية أى مادة للبحث اللى انا بعمله يعنى مش لاقية معلومات وخلاص هروح بقى فرحت قسم الدراسات يبقى لاقيت مع بنت رسالة لها علاقة بموضوعى خدتها منها بالعافية وطلوح الروح ماكنتش راضية تدهالى ابدا المهم صورت منها 4 ورقات بالعدد وكتبت اسم الرسالة فى الكشكول بتاعى واسم الباحث وموضوع الرسالة يعنى شوية معلومات عنها وخلاص ساعة ما لاقيت الرسالة البنت دى قعدت تقولى يابختك لاقيتى حاجه وقعدت بقى تنقلى فيها روحت البيت وخلاص جيت تانى اروح المكتبة علشان اجيب الراسلة دى ماقيش الورقى فى الكشكول اسال اختى قطعتى من الكشكول حاجه تقول لا واخويا لا وماما لا وبابا لا العفريت هو اللى قطعها انا متاكده ان البنت دى مش قطعتها ماجاش فى دماغى اساسا الحاجه دى بس المهم انا حسيت ان البحث اتحسد وروحت المكتبة اعمل سيرش على المبيوتر فين ساعتين عما لاقيها بس انا حسيت اناه اتحسد
موقف تانى
كانت معانا بنت صاحبتا مخطوبه فجت تحكيلنا على الشبكة اللى هى جايباها وشكلها لما رحت انا والبنت دى فى اليوم دا فضلت تقولى على فكره (ح) كدابة ومش جايبه شبكة ولا حاجه جايبة شبكة دى على اية وكلام من دا وانا قلتها انى شفت الخاتم والاسورة اللى قالت عليهم المهم تلف الايام والتيرم التانى يدخل ونقابل البنت نلاقى شبكتها اتفسخت قلتلها بركاتك وطبعا البنت حالتها النفسية مش كويسة زفت
موقف تانى
معانا بنت تانية (ر) كان معاها خاتم اكسسوار شكله حلو فضلت تقولها الله الخاتم دا جميل وانتى جايبة منين وبكام المهم (ر) قالتها مش فاكرة والله جينا تانى يوم روحنا المكتبة علما اننا بنروح مكتبة كلية الاعلام اى سفر من الزقازيق حتى قاهرة المعز فضلت طول ما احنا فى العربية تهتف بالخاتم المهم روحنا المكتبة واليوم خلص وفى نهاية اليوم لاقيت (ر) بتقولى اما ل الخاتم بتاعى فين قلتلها شوفيه فى الشنطة مالاقيتهوش المهم الخاتم اختفى فص ملح وداب الله اعلم راح فين بس انا رجحتلها اننا نكون نسناه فى الw.c
لا وحاجات كتيييييير انا مش فاكرة المهم الوقتى هى عمالة تنقلى فى المواد والابحاث ولائيمة جدا تحب تهبط الناس وتشتغل هى
ونفسها الدفعه كلها تسقط معرفش اية الانسانه الغريبة دى
احنا معانا ناس / طلبة من جانعات اخرى بس متعينين معيدين فى جامعتهم كل ما تعرف حد متعين معيد تفضل تقول (يالهوى) دا يتعين ولا دى تتعين وحاجه بقى تشل يا ستى كلة نصيب انتى يعنى كنتى جبتى جيد جدا وماعينوكيش
بجد دى حاجة صعبة جدا ولها مواقف كتييييييييير بس انا مش قادرة احكى من الغل اللى انا فيه انا خلاص بطلت اتكلم معاها وبطلت اقولها على اى حاجه
موقف كمان بقى
المفروض انا بعمل بحث منهجى ولازم اخد عينة اطبق عليها البحث دا المفروض ان العينة بتاعتى تكون مجموعة من الصحف اللى انا اختارها
المهم انى اخترت العينه ورحت المكتبة سالت هل العينة دى موجوده ولا لاء وفعلا لاقيتها موجوده والبنت دى كانت معايا وفضلت تقوله يلا يا سيتى اديكى لاقيتى العينة بتاعتك شفتى انتى فاهمة تحليل المضمون مش زى مع انها فاهماه على الاقل هى بتشتغل على المسلسلات يعنى قاعدة طول انهار قدام التليفزيون وانا مزروعة فى المكتبة المهم روحت للدكتور اوريلوا العينه واقوله علي الصحف اللى اختارتها رفض العينه وحددلى عينه تانية المهم غيرت العينه وخدت العينه التانية واشتغلت فيها شوية جيت اروح للدكتور اورينه الشغل بتاعى والبنت دى معايا بعد نت ساعه يا بختك يا بختك لما جبتلى مرض الدكتور ذودلى العينا جريده كمان يعنى انا كنت واخده الوفد والاهرام قالى خدى كمان الدستور وانا مش لاقية الدستور قالتها بركاتك
المشكلة بقى
انى خلاص اتشأمت من البنت دى مع انى طول عمرى بكرة التشاؤم من حاجات بس خلاص الاكتر من كده ان الحسد والحقد بتاعها بيعرضى لانى اكدب عليها وطبعا كلة فى ميزان سيئاتى اللى طب بسببها وفى نفس الوقت مش عارفه اسيبها
المهم غير كده انها على طول تكدبنى روحتى المكتبة لا ماروحتش يا شيخه وتسال روحتى المكتبة ميت مرة فى الساعه
فى نقطة تانية
كل ما تلاقنى مثلا اتاخرت شويه واو تليفون جالى واو اى حاجه تفكر انى مرتبطة وان فى شخص فى حياتى
او انى هتخطب قريب مع انى قايلالها مش هتخطب دلوقتى غير لما اخلص التمهيدى
وتفضل تسالنى المشكلة انى اسلوبها بايخ جدا وبيوترنى وكل ما ولد يبصلى ابقى بحبة وعارفاه وربنا يوفقنا واحنا خلاص هنتجوز وممكن كامن اكون مش عارفة الولد دا ممكن تسالنى عن الارتباط والموضوعات دى وان فى عريس ولا وان فى شخص فى حياتى ولا لاء 90 مرة اليوم حاجه تزهق ومش لاقية حل لا بتكدبنى لما اقولها ان مافيش حاجه تفضل تقول ياسلام احلفلها على المصف بس هى مريضة نفسيا بتكديب الناس مع انها اكتر واحد بتكدب وتفضل تسالنى مين اللى اتصل بيكى على الموبايل مثلا يكون البيت واقولها تقولى ياسلام يا ( ) البيت طيب

هناك 16 تعليقًا:

الطائر الحزين يقول...

وايه اللى جابرك على كدة
ما تبعدى عنها

والكلمة على قد السؤال

يعنى اللى اعرفه ان العلاقات الانسانية دى ما دام لا يوجد فيها راحة يبقى بناقصها


حتى لو كان الاثنين كويسين لكن ممكن تكون الراحة النفسية مش موجودة

فما بالك بهذا الوصف


تحياتى
وركزى فى المذاكرة

تحياتى

تــــ(حـنة)ــــر يقول...

و الله ولا غريبة ولا حاجة

فى اغرب منها بكتير

وحاجة تمل و تأزى كمان

ربنا يحفظنا يا بنتى

تحياتى ليكى و ابقى تعالى بقى شوفى المدونه عندى بقيت غير خالص

تمر حنة

غير معرف يقول...

سلام عليكم ازيك سندريلا ده اول مرة اشترك فيها على البلوج بتاعك وده اول بوست اقرأه , ولو تسمحى اقبلى منى النصيحه ده ............
فعلا انا موافقه جدا على كلام الطائر
الحزين " ايه اللى جابرك على كده"
الواحد بيشوف نوعيات من ده كتيييييييييييييييييييييير وكل اللى بيعمله انه بيتجنبهم والكلمه على اد السؤال بالظبط

Radwa يقول...

ميرسيه على كل تعليقاتكم
بس اعذرونى انا مضطرة احذف البوست دا لانى كتبته فى ساعة غضب ومش بحب اغلط فى حد حتى لو موتنى بس المشكلةانى فعلا اتضايقت منها جدا خاصة انى لا بسألها على حاجه وانا اساسا مش من النوع المتطفل خالص بالعكس انا مبحبش اعرف اخبار الناس خالص ولو حد سالنى عن حاجه بقول معرفش لانى مابحبش المشاكل بالعكس انا بحب نضحك ونهزر ونسال على بعض عامله الحمد لله ونكون كويسين مع بعض بس ما بحبش حد يعاملنى عكس ما بعامله

3abdo me7tas يقول...

اول مرة ادخل البلوجر بتاعك
بس اقولك على حل لو لسه فيه مواقف من دى بتحصل
قوليلها والنبى حلى عن دماغى انا مش نقصاكى ويا ريت متكلمنيش تانى الله يحرقك
سلام
اقفلى معاها بجد انا اتعصبت لك وانا قاعد بشوف الكلام ده
ربنا يوفقك يا بنتى والله
هو انتى هتخلصى التمهيدى امتى
:P ;)

سارة درويش يقول...

سندريلا اول مرة ادخل البوج بتاعك ومن وصفك لنفسك حسيت ان شخصيتى قريبة منك جدا ، وكمان اكتشفت من قرايتى للبوست دا ان الدراسة واحدة تقريباً .. الكارثة بقى ان ربنا بالينى بواحدة زي الاخت صاحبتك دى وفعلا مش عارفة اعمل معاها ايه انا قعدت اقرا التعليقات يمكن الاقى حل مش لاقيت واحب بعد اذنك اقول للطائر الحزين ان الناس دى بتكون لازقة وانا عن نفسى مش بحب اجرح حد واقوله مش عايزة اعرفك تانى الا لو فى سبب قوى جدا وللاسف مش قادرة اتخلص من البنت دى ...

kikooooooooo يقول...

سلاموووووووووو عليكووووو

أنا كنت أول سؤال هسألهولك حقيقة هي البنت ديه نعرف إنك عاملة مدونة ولا لأ عشان تقرأ الكلام ده ؟؟؟

بس بجد أقولك على حاجة

إذا ما كانتش عارفة عرفيها

لأنها أصلا مش صاحبتك عشان تزعلي عليها ولا حتى تفكري لحظة هي هتزعل ولا لأ

أنا مش عارف بجد في اللحظة ديه هتكوني مسحتى البوست ولا لأ

بس بجد قوليلها تدخل على البلوج بتاعك الأول وبعد كده امسحي البوست

النس ديه مريضة والله ومع إن الواحد المقروض يكون رحيم بظروفهم
بس إذا وصل الموضوع للدرجة اللي انتي بتقوليها ديه

يبقى لازم نفترق
قصدي لازم تفترقوا

بجد تحياتي ليكي .. ويارب آجي المرة الجاية في البوست الجديد وأقرأ خبر الفراق العظيم
وتكوني أسعد من الحالة اللي انتي فيها دلوقتي

على فكرة طريقتك في السرد لذيذة جدا
كان معكم ..,
كيكووووووووووو

Ehab يقول...

اقولك ادينا انتي بس عنوانها البنت دي
واحنا هنخلصوا عليها

ومالكيش انتي دعوه متوسخيش ايدك يا كبيره
الرجاله في الجبل جاهزين بالسلاح
ولازما ولابد نتاويها الليله ونخلي كل اهل البلدد يعرفوا مين هي الكبيره

وساعتها ممكن ناخد ارض وهدان من غير ما يت....ايه ده انتي مالكيش دعوه بوهدان صحيح ما علينا

----------------

المهم يعني انا بس حبيت اقولك على نقطه انك تكدبي عليها فاكره الحديث بتاع النبي (ص)لما الست اللي كانت بتحسد وهو خلاهم(ص) يخبوا الحسن او الحسين مش متذكر والتاني يفضل تحت البطانيه وجنبه حجر كبير ويفهموها ان دول الأخين وهي بصت وقالت انه ضخم قوي تقصد الحجر بتحسبه احد الولدين
المهم بعد ما خرجت وكشفوا الغطاء لقوا الحجر تحطم لوحده
النبي (ص) حب يفهمهم ان الحسد موجود ولاحظي انهم خبوا عنها وخدعوها بالحجر علشان يتجنبوا اثرها يعني انتي من حقك تخدعيها علشان تحمي نفس منها
ربنا يحفظك
ومتنسيش طبعا المعوذتين والأخلاص هم احسن حارس ليكي من الحسد

تحياتي وربنا يوفقك في دراستك

سلااااااااااااااااااااام

~ Bato0ot ~ يقول...

ya nahar eswed ya bnty :S enty shyla kteer awy w b3den 3aliki mn da b kam .. fokek mnha tamaman!matsebek mnha y3ni 7awly tb3dy 3anha w try7y nafsek w khalas!

غير معرف يقول...

Hello. This post is likeable, and your blog is very interesting, congratulations :-). I will add in my blogroll =). If possible gives a last there on my blog, it is about the Flores Online, I hope you enjoy. The address is http://flores-on-line.blogspot.com. A hug.

غير معرف يقول...

السلام عليكم،

تعليقي هذا غريب جدا !

أولا : لأني دخلت على هذا البلوج بالصدفة البحتة ،

ثانيا : لأن التعليق ليس له علاقة بالموضوع أصلا ! :)

فأثناء إبحاري في محيط النت "اتشنكلت" في أحد موضوعاتك القديمة وهو "عودة الحجاب" على هذا الرابط:

http://sendrlla.blogspot.com/2006/09/blog-post_14.html

وأحببت أن أعلق عليه ولكن لأن الموضوع قديم فخشيت ألا تنتبهي له ، فقررت أن أترك تعليقي هنا ، فسامحيني !

وتعليقي هو في الحقيقة مرتبط ارتباطا وثيقا بعنوان موضوعك "عودة الحجاب"

أولا أنا مصري وأعتقد أنك مصرية كذلك ومررتِ مثلي بمراحل التعليم المختلفة ابتدائي وإعدادي وثانوي وكلية ،

ثانيا هل شاهدتِ فيلم Matrix !! هل رأيتِ ذلك الجزء عندما يكتشف البطل أن حياته السابقة كانت كلها أكاذيب في أكاذيب ، الناس غير حقيقيين الأماكن غير حقيقية الجغرافيا غير حقيقية ، "التاريخ" ليس حقيقيا !!

هذا بالضبط هو ما شعرتُ أنا به عندما قرأتُ "عودة الحجاب" !!!

هل شعرت مرة وأنت تقرأين كتابا بتلك اللذة الممتعة التي تتمنين معها ألا ينتهي الكتاب !

تلك اللذة التي تدفعك بعد الانتهاء من الكتاب أن تعيدي قراءته مرات ومرات !

"عودة الحجاب" ليس هو عنوان موضوعك وبالطبع ليس عو ريبورتاج ال mbc وإنما هو كتاب رهييب في 3 مجلدات للشيخ الدكتور "محمد أحمد إسماعيل المفدم" وهو إلى جانب أنه طبيب بشري حاصل على أرفع شهادات العالم في الطب النفسي فهو أيضا معه ليسانس الشريعة الإسلامية من كلية الشريعة والقانون بجامعة الأزهر الشريف ..

عندما تقرأين هذا الكتاب سوف تشعرين بنفس شعور بطل فيلم matrix وسوف تدركين حجم الجريمة التي ارتكبها القائمون على شؤون التعليم في حقنا ، وهل هناك جريمة أكبر من غسيل دماغ الأجيال الناشئة ؟ هل هناك جريمة أكبر من استئصال البراعم الناشئة من جذورها وفصلها عن ماضيها وتدمير حاضرها ،

هل هناك جريمة أكبر من تزوير التاريخ !

عندما يصورون لنا الأقزام عمالقة والعملاء أبطالا في حين يمحون بأستيكة أي ذكر للأبطال الحقيقيين ، لمصلحة من هذا العبث بالتاريخ ؟

أفكار كثيرة تدور بخاطري ، لا أملك الوقت الكافي لسردها ، على العموم أنصحك بشدة بهذا الكتاب أن تقرأيه وأن تحكي عنه لأصدقائك وتنشريه بين معارفك لكي يتعرفون على بعض الحقائق التي جاهدوا سنوات طويلة لإخفائها عنا

والكتاب لا يتحدث فقط عن الحجاب كما يوحي اسمه ، ولكنه يؤرخ لمرحلة مفصلية من تاريخ مصر ويكشف حقائق موثقة عن شخصيات تقدم إلينا في المناهج الدراسية باعتبارهم مجددين وقادة وعظماء ورواد .

الكتاب ممنوع في مصر (شوفتي الحرية والديمقراطية) لكنه يباع سرا في مكتبات الأزهر ، اسألي أي بائع وسيدلك عليه ،

كما أنه يباع في معرض الكتاب الدولي ويكون حينها متوفرا بكثرة .

والكتاب موجود على النت ولكن للأسف الجزء الأول فقط ، ولكنه الجزء الذي فيه "البهاريز" :) !!

http://www.saaid.net/book/8/1795.zip

وهذه صفحة المؤلف على موقع طريق الإسلام

http://www.islamway.com/?iw_s=Scholar&iw_a=lessons&scholar_id=33

آسف على الإطالة ، والسلام عليكم .

وائل عاشور: طبيب بشري

***

غير معرف يقول...

هههههههههههههههههه

لا تعليق

بس كل اللى هقولهولك
اتعاملى بطبيعتك معاها واتجنبى اى موقف او سؤال يخليها تعمل كدا معاكى

انا عارفة انكوا قريبين من بعض وصعب تفترقوا بالسهولة دى
على الاقل لحد ما نخلص السنة دى

وربنا يهديها

أسماء علي يقول...

أول ماجيت مدونتك لاقيت الموضوع ده ..
على فكرة كلنا عدى علينا حد بالصفات دي ..
بس تعاملي ببرود وماترديش على الأسئلة اطلاقا بس انا كان موضوعي اسهل ان البنت مش زميلتي ..
...
وسيبك من حذف البوست خليه للذكرى ليكي ..

.:.-=- ELGaZaLy-=-.:. يقول...

هههههههههههههههههههههه

مش غريبة بالعكس يمكن انتى بس الى اول مرة تتعاملى مع النوع دة ودى ارحم من كتير اوى غيرها صدقينى

وخلى البوست انتى مش ذاكرة اسماء دى نماذج شخصيات عادى يعنى

-_- يقول...

صيف سعيد لك وللجميع

Maha Shahen يقول...

ههههههههههه
هو المفروض تكونى فهمتى من اول وتانى موقف وفي التالت تعلنى الانسحاب الحكايه واضحه زي الشمس
الله يقويكى شكلك عنيده شوية ومش بتسلمى بسهوله
بس اصدقاء زي كدا بصراحه خساره الواحد يحارب علشانهم توفير طاقته وجهده احسن ليه وليهم
تحياتى