يوم الأحد ,18/يناير /2009 نزلت بوست بعنوان ( شكلى هبطل تدرين ) وكان موضوعه ان حد اخد منى ترويسة المدونة بتاعتى ( دعنى اخذك لعالمى الصغير ... لتعرف ايماءاتى وتفاصيلى الصغيره ... وتضاهيها بتطلعاتى الدقيقه ... لتعرف اننى انسان احيا بأمل وبدون امل ... اعيش مع اليأس لحظات ليتكون لدا انامل يديا احباطا يجعلها تارة تكتب وتاره تكف عن الصياح والكتابه... دعنى اسكنك هذا العالم لحظات ... لتتعلم منى الصدق والصراحه مع مزيج من الخيال الذى يجمل طبيعتنا ويزين نظراتنا ... دعنى اعلمك الواقع من خيالى ... او اسكنك الخيال ... لنخرج على حدود الواقع ) وذكرته فيها اسم المدونة دى love story
صاحب المدونة دخل واعتذر وانا قبلت اعتذاره وبقوله تانى انا يمكن اتكلمت باسلوب جارح شوية بس والله كنت مفقوعة جدا وانا بتأسف يا محمد تانى واسفه والله على الكلام اللى انا قلته انا والله اول مرة اكون عصبية بالشكل دا بس والله اللى فقع مرارتى اكتر انك من الزقازيق يعنى احنا ولاد بلد واحده ماتجيش اننا نضايق بعض بس انا هحذف البوست
وأظن كده انا رديت اعتبارك وانا اسفه فعلا على الموضوع دا واسفه على ان اى حد دخل وقال كلمة وحشه بس انا والله ما طلبتش كده من حد واسفه مرة تانيه
....................
صـدى اختنــ سندريلا ــاق
هناك 13 تعليقًا:
البوست ده بيدل على أنك بنى آدمة جميلة أوى من جوه....و عادى كلنا ممكن نغلط و انتى ممكن يكون كان عندك شوية حق فى عصبيتك
بس أهم حاجة إن الواحد يوزن الكلام قبل ما يقوله عشان ميتحطش فى موقف لا يحسد عليه
صباحك سكر يا سندريلا
انا تبعت البوست دا و علقت عليه كمان
بس بجد ازداد احترامى لشخصك جدا جدا
فالاعنراف بالخطأ و الاعتذار لا يقل من شأنك عزيزتى ولكنه يسمو بأخلاقك
و قتها كنت حاسة بيكى اوى جايز تكون كلامتك وقتها جارحو وحادة بس اوقات الغضب بيكون صعب نتحكم فى انفسنا خصوصا حين نفقد شىء غالى علينا
دمت دائما وابدا صاحبة القلب الطيب
تحياتى
يويو
هي دى روح التدوين :)
بـرافـو سـنـدريـللا
.
تـحـيـاتـي
سندرلا
اولا اسال عليكى
ازيك يا قمرايا
يارب تكونى بخير والف حمد لله على سلامتك
والله يا سندرلا مش كل انسان طبعة وحش
وبعدين ممكن يكون الاخ محمد مش عارف
يكتب موضوع فاللاسف جت كدة واخد البوست من عندك وعموما
الحمد لله حصل خير وطلعطو بلديات واحدة
وربنا يزيد الود يارب
كل التقدير والاحترام
اسيـــــــــ الجراح ـــــــــــر
أزيييييييييييييييييييييييييييك؟؟؟
اخبارك اية يارب خير
**معلش حصل خير**
عوووو
أنا ودماغى
ميرسيه على كلامك
وعندك حق فعلا بس انا والله اى حد ياخد منى اى حاجه فى الدنيا الا كتاباتى هى ممكن تكون مش قد كده اه بس مش معنى كده انى اقبل
بس الحمد لله الحق رجع لصحابه
بصى عارفه لو لاقيته كاتب تحتها فى المدونة انها مقتبسه مش مشكله والله ولا كنت اصلا اتكلمت
الحمد لله على قد كده
.............
صـدى اختنـ سندريلا ـاق
يويو
يا قمر والله زيارتك بتسعدنى جدا
كلامك صح فعلا
بس اعمل ايه انا فعلا عصبية جدا
رغم رومانسيتى وهدوءى بس الا دى يعنى العبى معايا براحتك وخدى اى لعبه من بتوعى بس الا دى دا تارخى انا وحياتى وذكراياتى ودى الحاجه الوحيده اللى هسيبها بعد ما اموت ودا اللى خلانى اعزف عن موضوع ترك التدوين دا
................
صـدى اختنـ سندريلا ـاق
بريسنسة دودو
ايه النور دا
انتى بتيجى فى المناسبات ولا ايه
المهم ميرسيه على التشجيع الجامد دا
بس ناقصنى سقفه ولا ايه
منورة يا قمر
.................
صـدى اختنـ سندريلا ـاق
أسير الجراح
ايه النور دا
والله انتم منورينى خالص
المهم ازيك انت وايه اخبارك
انا كويسة انا عارفه انى الايام دى مش متابعة اوى ومقصرة حبتين بس والله مش بايدى انا كنت بمر بشوية ظروف كده الحمد لله وخلاص
....................
صـدى اختنـ سندريلا ـاق
كيييييكىىىىى
يا نهار ابيض
انتى يا بنتى بتختفى تختفى وتظهرى امته بالضبط
المهم نورتينى موووووووووت
ووحشانى مووووووووووووت
...................
صـدى اختنـ سندريلا ـاق
سندريلا
كم انتى من انسانة بيضاء القلب
صفياء الروح كم تمتلكين من تسامح
ومشاعر جميلة تستقى كل التقدير
والاحترام واكبر دليل على كدة البوست
الجميل ده
كل التقدير والاحترام لشخصك وقلمك
رومانسى مشاكس
طيب تمام فل كدا
سلام عليكم
انا متشكر جدا يا سندريلا على اعتذارك
وانا سعيد بوجودى معاكم
وبشكرك من قلبى وانا قبلت اعتذارك وانتى كمان قبلتى اسفى يعنى حصل خير وربنا ميجيب مشاكل بين اهل الزقازيق وبعضهم
وبشكر كل الناس اللى موجوده فى مدونتك لانهم كلهم شخصيات تستحق الاحترام والتقدير
ربنا يديم الموده والاحترام بيننا كلنا كمسلمين
واسف ان ردى اتاخر على البوست ده لانى فعلا كنت مشغول
سلام عليكم
تحياتى ليكم كلكم
محمد ابراهيم
إرسال تعليق