شكلى هبطل تدوين

انا عندى سؤال واحد بس

ليه بنسرق بعض ؟

يعنى ايه عايز تبقى مدون وكمان بتسرق تدوينات غيرك يعنى كده انت مدون ولا هو برده اللى مدون ؟

يا جماعة حرام عليكو اكتشف حالتين سرقه ليه فى سنه واحده بجد دا حرام

ومش ممكن يكون مافيش غيرى ولا بيستهبلونى ولا ايه بالظبط

يعنى احط بادج على المدونة واقول حقوق الطبع محفوظة والله ولا بتأثر اصلا

يا جماعة لو سمحتوا والله الحاجات اللى بكتبها فى المدونة دى بتاعتى انا ووالله عمرى ما نقلتها من حد فعلا انا اللى بألفها وانا بكتبها

يا جماعة اللى معندوش فكر بيعمل ليه مدونة ينشر فيها ليه افكار مدونين تانيين والله مستغنيين عن خدماتكوا

يعنى انا مثلا مش عايزه مساعده من حد

واللى هيدخل ويسرق لو سمحتوا ما يدخلش اصلا انا مش بدخل فى بيتى حراميين سورى بأة فى الكلام

ولا المصيبة بأه ان واحد ابن الحلال الله يسامحه سارق ومعدل كمان شوفتوا البجاحه ماافيش اكتر من كده فقعة مرارة

انا فعلا هبطل انشر الخواطر والأشعار بتاعتى لا كده ماعتش فيه آمان

اتفرجوا على الأخ المحترم لا وكمان من الزقازيق يعنى حاجه تفقع زى ما يكون ما نقينى مش فاهمه ايه الغباء دا

http://muaalim.blogspot.com/2008_02_01_archive.html

LOVE STORY
دعنى اخذك لعالمى الصغير ... لتعرف ايماءاتى وتفاصيلى الصغيره ... وتضاهيها بتطلعاتى الدقيقه ... لتعرف اننى انسان احيا بأمل وبدون امل ... اعيش مع اليأس لحظات ليتكون لدا انامل يديا احباطا يجعلها تارة تكتب وتاره تكف عن الصياح والكتابه... دعنى اسكنك هذا العالم لحظات ... لتتعلم منى الصدق والصراحه مع مزيج من الخيال الذى يجمل طبيعتنا ويزين نظراتنا ... دعنى اعلمك الواقع من خيالى ... او اسكنك الخيال ... لنخرج على حدود الواقع

حضرته معدلى كمان

والله يا جماعة انا اللى مألفها والله وعندى الكشكول اللى كتباها فيه وكتباها مرتين كمان والله دى اصلا جزء من كل دى كبيرة جدا جدا

بس بجد ربنا يساحمه

انا فعلا هعيط وهبطل تدوين بعد ما عملت مدونات تانيه على جيران ومكتوب وتدوينه واكتب والله قطعت نفسى وكرهت العالم دا بعد ما كنت بحبه ومتعلقة بيه ككتير

الودااااااااااااااااااااااااع

....................................

صـدى اختنــــ سندريلا ــاق