الثلاثاء، أكتوبر 31، 2006

بالخط الاحمر

عارف يعنى ايه تكون بتتالم وكاتم دموعك مش عايز تخرجها قدام حد
مش زعلان على حد بس صعبان عليك نفسك

عارف ازاى تحس انك بتنهار


عارف ازاى يعنى تستنى الايام تداوى جرح سنين ومعتش فى عمرك كتير


عارف يعنى احساس الام وما تنيش لاقيه دوا

عارف بقى احساسك بالام وانت عارف انك مالكش دوا
عارف طعم كتمان الصوت والصراخ جواك

عارف يعنى تستنى كل يوم الليل علشان تنزل دموعك تحت البطانيه من غير ما حد يسمعك او يحس بيك

عارف يعنى دموعك تموت عند شفايفك وتتذوقها تلاقيها اكتر من الملح
تعرف طعم الحزن الحقيقى
تعرف يعنى تبان قوي قدام الناس وانت جواك زلزال بيهدك وفى عنيك بركان

عارف احساس انك تقعد فى مكان مظلم حالك السواد وتبكى من غير صوت وعلشان محدش يعرف انك كنت بتعيط
تحط راسك تحت الميه علشان تقوليلهم اصل الصابون دخل فى عينى
احساسات غريبه وردود فعل اغرب منين بنجيبها منين بنجيب الطرق اللى ندارى بيها ضعفنا مش عارفه

هناك 4 تعليقات:

أُكتب بالرصاص يقول...

بس انا تألمت من اللون الاحمر على الخلفية السودة
ممكن تغيريه !!


معرفتش اقرأ النص
بس باين عليه هيطلع كويس لو عملته باللون الابيض او الاصفر
:)

Radwa يقول...

erci gedan bas ana ekhtart ellon elahmer da alashan byabar an hala moayana law kont rakest shewaya kont hatearaf tekraah we tefhamh

RiddleR يقول...

عارفة انت لما تبقى مش قادرة حتى تعيطي
لما كل الناس تبقى شايفة اللي انكسارك وانت بتحاولى تبينى العكس
لما الدنيا تسود لدرجة ان حتى الأغاني تسمعيها بنكد

عارفة لما متقدريش تعملي حاجة ولا حتى تحطي راسك تحت الحنفية

طعم المرار مفيش زيه والله

safa7_karmooz يقول...

"تعرف يعنى تبان قوي قدام الناس وانت جواك زلزال بيهدك وفى عنيك بركان
"

يس...عارف..ومجرب....

حلو جدا البوست دى...الاحساس فيها عالى جدا ..:)